Umhverfisvernd

Birkifræsöfnun er árlegt átak Lands og skógar í samvinnu við skógræktarhreyfinguna og fleiri samtök á degi íslenskrar náttúru 16.september ár hvert.

Vorið 2026 var undirrituð viljayfirlýsing um áframhaldandi samstarf Lions við Land og skóg um verkefnið ,,Söfnum og sáum birkifræi´´

Lionsklúbbar eru hvattir til að nota haustið og fara saman (jafnvel með fjölskyldunni) í nálægan skóg og tína birkirekla. Hægt er að tína frá miðjum ágúst til októberloka, jafnvel fram í desember. Mikilvægt er að þurrka fræin áður en þau eru sett í lokaðan kassa, poka.

Bréf var sent frá umhverfisnefnd Lions til allra Lions félaga á landinu með upplýsingum frá framkvæmdarstjóra skógræktarfélags Kópavogs og verkefnastjóra verkefnisins ,,Söfnum og sáum birkifræi.´´ ásamt slóða hvernig ætti að bera sig að. https://hekluskogar.is/frodleiksmolar-hekluskoga/stofnum-og-saning - a- bitkifraei/

Söfnunaröskjur, hvert á að senda fræin.

Hægt er að fá söfnunaröskjur á starfstöðvum Lands og skóga sem eru á 19 stöðum á landinu, eða tína í bréfpoka, merkja vel hvaðan fræin eru tínd og hvenær. Hvaða Lionsklúbbur tíndi.

Senda má fræ í pósti á Skógræktarfélag Kópavogs, endurgjaldslaust, eða á næstu skógræktarstöð. Nánari upplýsingar veitir umhverfisstjóri á póstfang dsf@simnet.is Fræin eru smá og smjúga auðveldlega úr söfnunaröskjunum, gott er að líma fyrir bæði botn og lok.

Sýnum í verki stuðning við þetta góða og þarfa fjölskylduverkefni.

Önnur umhverfismál.

Hægt er að tína rusl allt árið.

Alþjóðlegi dagur umhverfisins er haldinn hátíðlegur 5. júní ár hvert. Hægt er að tína rusl sem fýkur í okkar nágrenni allt árið. Lionsklúbbar ásamt vinum og eða fjölskyldum eru hvattir til að hafa poka og plokktöng með í gönguferðir. Auðveld leið til að leggja okkar af mörkum í þágu náttúrunnar, fá aðra með og vekja áhuga ungviðis okkar. Hver finnur bestu leiðina hvað hentar.

Trjárækt eða umhirða.

Trjáplöntun eða umhirða gróðurreits sem er í fóstri klúbba, haustverk geta skipt máli fyrir reitinn okkar.

Notað og nýtt.

Eigulegir hlutir sem hægt er að nýta áfram með því að koma þeim í hringrásarkefið. Hægt að gera allt árið.

Lionshreyfingin fylgir Heimsmarkmiðum Sameinuðu þjóðanna (Sustainable Development Goals) um sjálfbæra þróun til ársins 2030. Heimsmarkmiðin mynda jafnvægi milli þróunar í efnahagslegu, félagslegu og umhverfislegu tilliti. Þau fela í sér samstarf fyrir mannkynið allt, frið og hagsæld á jörðinni.

Lions á Íslandi styður við þessi markmið með ýmsum hætti.