Lionsklúbburinn Úa gefur grunnskólunum spjaldtölvur

Lestrarátak Lions•
Spjaldtölvur ætlaðar börnum með sérþarfir•
Afrakstur vinkvennakvölds

Lionsklúbburinn Úa afhenti á dögunum spjaldtölvur til grunnskólanna í Mosfellsbæ. Þær eru einkum ætlaðar til notkunar í lestri fyrir börn með sérþarfir og sértæka lestrarörðugleika.

Þetta er liður í lestrarátaki klúbbsins og á vinkvennakvöldi sem haldið var í haust var ákveðið að hluti ágóðans færi í þetta verkefni. Lestrarátak Lions er 10 ára alþjóðlegt verkefni sem hófst á síðasta starfsári. Lionshreyfingin um allan heim mun hvetja til lestrar og vinna gegn ólæsi. Eitt af verkefnunum er að afhenda öllum nemendum í 5. Bekk bókamerki sem er með tilvitnunum eftir Þórarin Eldjárn. Síðan stendur til að gefa öllum sex ára börnum á Íslandi bók haustin 2015 og 2016 og er það gert í samvinnu með IBBY á Íslandi sem eru frjáls félagasamtök áhugamanna um barnabókmenntir

Á meðfylgjandi mynd eru skólastjórarnir Þrúður Hjelm, Jóhanna Magnúsdóttir og Þórhildur Elfarsdóttir ásamt Svöfu Harðardóttur formanni Lionsklúbbsins Úu.

Greinin er sótt í fréttablaðið Mosfelling >>>