5.júní. Alþjóðlegi dagur umhverfisins.

Á  ALÞJÓÐLEGA DEGI UMHVERFISINS 5. JÚNÍ eða þar um kring.

Hreinsun nærumhverfisins.

Tínum plast og annað rusl í okkar nærumhverfi, tilvalið að hafa plokktöng (griptöng) og glæra sorppoka. Flokka plast sér og annað rusl sér.  Hvetjum klúbba til að hafa samband við sitt bæjarfélag eða sveitarfélag í tíma, láta vita af verkefninu og hvort ekki megi skila rusli endurgjaldslaust á sorpeyðingarstöð.

Gróðursetja tré, hlúa að trjálundinum eða forrækta.

Margir klúbbar eru með gróðurreit í sinni umsjá, tilvalið að velja daginn til gróðursetningar eða aðra umhirðu.

Hægt er að forrækta tré, en víða finnast lítil birki ungviði sem hafa sáð sér á staði þar sem þau eiga sér ekki lífsvon.  Til að mynda við gangstíga, milli steina, í flöt nálgæt birkitré, vegköntum og fleiri stöðum. Auðvelt er að taka þau upp þar sem rótin er ekki löng og koma fyrir í potti með góðri mold og lífrænum áburði. Best er að leyfa þeim að vaxa í tvö til þrjú ár eða þar til þau eru orðin um 50 cm.

Skiptimarkað, þar sem félagar geta losað sig við eigulega hluti sem þeir eru hættir að nota, en geta gagnast öðrum (textíl, verkfæri úr bílskúrnum eða annað).

Setjum fréttatilkynningu í staðarblað eða það blað sem við á. Deilum myndum og frásögn á Facbook síðu klúbbana og okkar eigin.
Hvetjum almenning til þátttöku, gerum daginn fjölskylduvænan og endum jafnvel á grilli.

Verum sýnileg, höfum gaman saman og njótum um leið og við  leggjum okkar af mörkum í þágu umhverfisins.

Óskum eftir að fá sendar upplýsingar um hvaða verkefni klúbburinn valdi og hvernig til tókst á netfangið dsf@simnet.is.

Bestu kveðjur frá umhverfisnefnd.