Verkefni Lionshreyfingarinnar
á Íslandi
Klúbbar
velja verkefni sjálfir; þeir styðja fyrst og fremst sitt eigið byggðarlag, en taka
einnig þátt í landsverkefnum í umsjón fjölumdæmisráðs eða stjórna umdæmanna.
Þessi verkefni eru bæði innlend og alþjóðleg.
Af innlendum verkefnum má nefna
rauðu fjöðrina,
unglingaskipti, umhverfismál,
vímuvarnar-
mál Lions-Quest, MedicAlert o. fl.
Af samnorrænum verkefnum
má meðal annars nefna Orkester Norden og uppbyggingu heimilis fyrir fötluð,
munaðarlaus börn í í Friazino við Moskvu í Rússlandi. Af alþjóðlegum verkefnum
má nefna Alþjóða hjálparsjóð Lionshreyfingarinnar (LCIF) og sjónverndarverkefni
(Sight First), en sjónvernd hefur verið eitt af stærstu verkefnum hreyfingarinnar frá
upphafi
Íslenskir Lionsfélagar sinna ungum sem öldnum, sjúkum, sjóndöprum og fötluðum.
Einnig ýmsum verkefnum tengdum umhverfismálum, skólamálum og menningu.
Lionsmenn gefa tíma sinn og umhyggju eða afla fjár m.a. til tækjakaupa eða
fjárstuðnings til þeirra sem minna mega sín.
Tenglar með nánari upplýsingum um verkefni Lions.
Skrifstofa Lionshreyfingarinnar á
Íslandi veitir allar nánari upplýsingar um hvern málaflokk eða
vísar á tengiliði.
Sími
561 3122 og netfang:
lions hjá lions.is
Rauða fjöðrin
Lionshreyfingin hefur
átta sinnum
staðið fyrir landssöfnunum til ákveðinna verkefna með því
að selja rauða fjöður. :
Þessi verkefni eru:
1972 - Til stofnunar
augnlækningadeildar Landakots
1976 - Til kaupa á
tannlækningatæki til viðgerða á tönnum þroskaheftra
landsmanna.
1980 - Til kaupa á tæki til
eyrnlækningadeildar Borgarspítala.
1985 - Til kaupa á línuhraðli
fyrir Landspítala.
1989 - Til byggingar vistheimilis
að Reykjalundi fyrir ungmenni með varanlega fötlun.
1995 - Til stofnunar
Rannsóknarstofu i gigtarsjúkdómum.
1999 - Til eflingar
öldrunarþjónustu hvers konar, að hluta til sameiginlega með
hinum Norðurlöndunum.
2004 - Söfnun undir
kjörorðinu "Léttum þeim lífið" fyrir langveik
börn.
2008 - Söfnun til
kaupa á leiðsöguhundum fyrir blinda.
Til
baka
Unglingaskipti
Unglingaskipti Lions er eitt
stærsta alþjóðlega verkefni Lionshreyfingarinnar. Ungu fólki
er gefinn kostur á að kynnast daglegu lífi, starfi og menningu
annarra þjóða með því að búa hjá fjölskyldum Lionsmanna
í öðrum löndum. Árlega fara 15-20 íslenskir unglingar til
nokkurra vikna dvalar erlendis og álíka margir koma hingað til
lands.
Hefurðu áhuga á unglingaskiptum?
Skrifstofa Lionshreyfingarinnar á
Íslandi veitir allar nánari upplýsingar um hvern málaflokk eða
vísar á tengiliði.
Sími
561 3122 og netfang:
lions hjá lions.is
Til baka
Umhverfismál.
“Við fengum
jörðina ekki í arf frá forfeðrum okkar, við höfum hana að láni frá
börnunum okkar.” (Máltæki frá Kenýa)
Umhverfisboðorðin
þrjú:
Drögum
úr úrgangi
Endurvinnum
þegar
það er mögulegt
Endurnýtum
í stað
þess að henda
Árið
1972 samþykkti alþjóðastjórn Lions stefnuyfirlýsingu í
umhverfismálum. Þar segir m.a: “Lionshreyfingin
er ein þessara alþjóðastofnana sem ættu að leggja fram
krafta sína til að bæta og vernda umhverfið til hagsbóta
fyrir alla menn og afkomendur þeirra.”
Á
Fjölumdæmisþingi Lions á Íslandi 1999 var samþykkt
eftirfarandi ályktun um umhverfismál:
1.
Að hvetja alla Lionsfélaga að halda áfram að vinna að
umhverfismálum.
2.
Að hvetja Lionsfélaga að njóta leiðsagnar skógræktarfélaga
og annarra samsvarandi félaga sem vinna að uppgræðslumálum.
3.
Að önnur helgin í júní árlega verði notuð af Lionsmönnum
til gróðursetningar eða annarra umhverfisverkefna.
Lionshreyfingin
á Íslandi átti þátt í stofnun Landverndar
1969 og hefur tekið þátt í verkefnum eins og Á grænni grein, átaki í landgræðslu 1990, og átaksverkefninu Fegurri
sveitum 2000-2002.
Margir
Lionsklúbbar eru með sérstök umhverfisverkefn t.d;
-
trjárækt og uppgræðslu lands
-
að hreinsa og snyrta svæði
-
að merkja sögufræða staði og leiðir
-
að safna birkifræjum fyrir Landgræðslu ríkisins
auk
þess sem einn ágætur Lionsklúbbur hefur unnið að því að
gera við “ónýt” sjúkrarúm og hjólastóla og koma þeim
í umferð á ný.
Góður árangur
grasrótarverkefna í umhverfismálum hvetur aðra hópa til dáða
og áhrifin verða margföld.
Skrifstofa Lionshreyfingarinnar á
Íslandi veitir allar nánari upplýsingar um hvern málaflokk eða
vísar á tengiliði.
Sími
561 3122 og netfang:
lions hjá lions.is
Til
baka
Lions-Quest
– námsefni í lífsleikni
Lions-Quest
verkefnið hefur verið samstarfsverkefni Lionshreyfingarinnar á
Íslandi og Námsgagnastofnunar til margra ára. Í verkefninu felst
útgáfa á námsefninu Að ná tökum á tilverunni og
námskeiðahald fyrir kennara og aðra sem ætla að nýta efnið í vinnu
með ungu fólki. Í sátt og samlyndi er annað Lions-Quest
námsefni sem einnig tilheyrir verkefninu.
Alþjóðhreyfing Lionsklúbba og fræðslustofnunin Quest International
hófu samstarf um útgáfa námsefnis í lífsleikni árið 1984. Frá þeim
tíma hefur Lions-Quest námsefni verið gefið út í fjölmörgum löndum
og heimsálfum og verið þýtt á fjölda tungumála.
Að ná tökum á tilverunni
er ætlað 11 til 14 ára nemendum. Námsefnið hæfir vel þeim
markmiðum sem sett eru fram í Aðalnámskrá grunnskóla, lífsleikni
1999 varðandi þætti sem snúa að félags- og tilfinningatengdri
hæfni nemenda. Í efninu er sérstök áhersla á jákvæðan og
heilbrigðan lífsstíl og það nýtist vel tengslum við
fíkniefnavarnir í skólum.
Námsefnið Í sátt og samlyndi hentar 13 til 15 ára nemendum
og þjálfar samskiptahæfni. Því er m.a. ætlað að fyrirbyggja
ofbeldi og einelti.
Lionshreyfingin hefur haft það að markmiði að vinna lífsleikni
brautargengi í skólum með því að styðja við Lions-Quest verkefnið.
Söguleg atriði:
1987 Samþykkt á fjölumdæmisþingi að Lionshreyfingin vinni
að þessu verkefni.
1988 Fyrsta námskeiðið á Íslandi og tilraunakennsla hefst í
tíu skólum á vegum menntamálaráðuneytisins.
1990 Námsefnið gefið út hjá Námsgagnastofnun.
1998 Í sátt og samlyndi gefið út hjá
Námsgagnastofnun.
2000 Lions-Quest námsefni þýtt á tíu tungumál og kennt í
yfir 30 löndum.
2001 Ný og endurbætt útgáfa af Að ná tökum á tilverunni
með smásögum eftir íslenska höfunda.
2002 Alls verið haldin 48 námskeið með 1275 þátttakendum.
Lions Quest Heimasíða
Skrifstofa Lionshreyfingarinnar á
Íslandi veitir allar nánari upplýsingar um hvern málaflokk eða
vísar á tengiliði.
Sími
561 3122 og netfang:
lions hjá lions.is
Til
baka
Alþjóðahjálparsjóður Lions
LCIF
Alþjóðahjálparsjóður Lions er
þýðing á enska heitinu Lions Clubs International Foundation, sem
er skammstafað LCIF.
Þegar
Lionshreyfingin hafði starfað rösklega hálfa öld og breiðst víða
um heim, tóku menn að gæla við þá hugmynd að stofna sérstakan
alþjóðlegan hjálparsjóð Lionshreyfingarinnar. Sjóð sem miðlaði
framlögum Lionsklúbba til Lions verkefna, sjóð sem væri þess
megnugur að lyfta grettistaki á fjölmörgum sviðum líknar og
mannúðarmála víðsvegar um heiminn Þessi draumur forystumanna
hreyfingarinnar varð að veruleika árið 1968 með stofnun
Alþjóðahálparsjóðs Lions, sem er þýðing á enska heitinu Lions
Clubs International Foundation, sem er skammstafað LCIF.
Ekki voru skrefin stór fyrstu árin. Það tók sjóðinn fimm ár að
vaxa svo, að hægt væri að veita framlög úr honum. Starfsárið
1972-1973 námu fyrstu framlögin milli 4 og 5 milljónum króna. En
mjór er mikils vísir. Sextán árum síðar námu framlögin til
breytilegra verkefna um 570 milljónum króna. Af þeirri fjárhæð
fóru um 40% til
sjónverndarbaráttu gegn blindu, en allt frá upphafi
Lionshreyfingarinnar hefur sjónvernd verið efst á lista þeirra
verkefna sem hreyfingin hefur unnið að.
Miklum fjármunum hefur verið beint að rannsóknarverkefnum,
einkum þó á sykursýki, sem víða er mikill bölvaldur og
hefur til þessa verið ólæknanleg. Sjúkdómur þessi veldur í
mörgum tilfellum blindu, einkum þó meðal vanþróaðra
þjóða, þar sem litla læknishjálp er að fá.
SightFirst
Stærsta verkefnið á sviði
sjónverndar er þó hin nýja áætlun sem nefnd hefur verið í
SightFirst„ og samþykkt var á alþjóðaþingi Lions sem
haldið var í Borginni St. Louis í Bandaríkjunum sumarið 1990.
Áætlun þess verkefnis byggist á könnun sem kostuð var af
Lionshreyfingunni og leiddi í ljós að þótt takast mætti að
lækna 80% blindu í heiminum eða koma í veg fyrir hana með
fyrirbyggjandi aðgerðum væru30-40 milljónir manna blindar og
mun sá fjöldi trúlega tvöfaldast á næstu 25 árum ef ekkert
verður að gert. Á árunum 1991-1994 náðist að safna 146
milljónum dollara til þessa verkefnis og fór söfnunin fram úr
björtustu vonum.
Framlög í sjóðinn.
Framlög í sjóðinn eru frjáls
og koma frá Lionsklúbbum víðs vegar um heiminn. Einnig geta
einstaklingar, stofnanir og félagasamtök utan Lions lagt
sjóðnum lið. Öll framlög ganga til líknar- og
mannúðarmála. Rekstrarkostnaður greiðist eingöngu af
vaxtafé. Um það bil helmingur framlaga til sjóðsins er
tengdur tilnefningu Melvin Jones Félaga. Hér er um að ræða
viðurkenningu sem kennd er við Melvin Jones, stofnanda
Lionshreyfingarinnar. Lágmarksframlag vegna tilnefningar Melvin
Jones Félaga er 1.000- bandaríkjadollarar. Fólk utan
hreyfingarinnar getur orðið Melvin Jones Félagar og má geta
þess að Vigdís Finnbogadóttir, Björk Guðmundsdóttir og
Davíð Oddsson eru öll Melvin Jones félagar. Nú eru vel á 3.
hundrað Melvin Jones félagar á Íslandi
Framlög til Íslands
Íslendingar hafa fengið framlög úr sjóðnum. Vegna
náttúruhamfara, í Vestmannaeyjum 1973 og framlög vegna
snjóflóðanna á Súðavík og Flateyri, jarðskjálfta á Suðurlandi.
Þá hefur sjóðurinn veitt styrki til kaupa á ómskoðunartæki fyrir
krabbameinsrannsóknir á Landsspítalanum og við að ljúka við
byggingu Lionshússins Hleins við Reykjalund, veitt framlög í
L.Q. námsefnið, styrkt Leiðtogaskóla Lions og m.fl. Nú síðast
2004 í búnað fyrir hjartsláttartruflnir, sem Lkl. Víðarr stendur
fyrir.
Skrifstofa Lionshreyfingarinnar á
Íslandi veitir allar nánari upplýsingar um hvern málaflokk eða
vísar á tengiliði.
Sími
561 3122 og netfang:
lions hjá lions.is
Til baka
Alþjóðasamskipti
Í markmiðum Lionsklúbba er
fyrsta markmið að vekja og efla anda skilnings á meðal
þjóða heims. Annað af markmiðum Lions er einnig að tengja
klúbbana böndum vináttu góðs félagsanda og gagnkvæms
skilnings.
Til að ná þessu takmarki hefur
Lionshreyfingin meðal annars stuðlað að þessu með því að
stofna hjálparsjóðinn LCIF. Þessi hjálparsjóður hefur
komið að notum á mörgum stöðum t.d. í sjónverndarátaki
okkar þar sem söfnuðust 146 milljónir dollara og takmarkið er
að lækna allt að 80% þeirra sem eru blindir í heiminum í
dag. Við vitum að um 40 milljónir eru blindir og unnt er að
lækna rúmlega 30 milljónir þeirra.
Helstu orsakir blindu eru: Ský á auga, cataracta, fljótablinda,
gláka og A-vítamínskortur. Nú þegar hefur tekist að lækna
á 3. milljón manns sem eru með blindu, mest með aðgerðum
vegna skýs á auga og einnig fyrirbyggjandi aðgerðum.
Alþjóðleg verkefni á vegum Fjölumdæmis.
Þar má nefna barnaheimilið í Gorsaw í Póllandi þar se gefin
voru tæki til þess að endurhæfa fjölfötluð börn.
Lionshreyfingin á Íslandi leggur til að hreyfingin á
Norðurlöndum taki sig saman um að veita Eistlandi, Lettlandi,
Litháen og Póllandi aðstoð sína. Má nefna sem dæmi að
Lionshreyfingin í Danmörku veitti Pólverjum umtalsverða
aðstoð 1989 m. a. með því að senda 7 vöruflutningalestir
með matvælum, fötum og öðrum nauðsynjavörum. Um jól sama
ár voru sendir 5 þúsund matarpakkar til Póllands. Í löndum
þiggjanda búa um það bil 50 milljónir manna en
Norðurlandabúar eru um það bil 23 milljónir.
Alþjóðleg verkefni á vegum umdæma, svæða og klúbba.
Hér má nefna t.d. vinaklúbbatengsl, þar sem Lionsklúbbar eiga
vinaklúbba í öðrum löndum, s.s. Danmörku, Svíþjóð,
Noregi eða Finnlandi. Lions Quest er dæmi um verkefni þar sem
stuðningur og samvinna milli landa um að vinna að þessu
mikilvæga forvarnarstarfi í baráttu gegn vímuefnum.
Unglingaskipti
Markmiðið með að senda unglinga okkar til annarra landa er að
víkka sjóndeildarhring þeirra og að þeir átti sig á því
hvernig bæði nágrannaþjóðir okkar og aðrar þjóðir heims
lifa og starfa.
Lionshreyfingin hefur innan sinna vébanda rúmlega 1,4 milljón
félaga auk Lionessa og Leo félaga. Með því að allir klúbbar
leggi sitt að mörkum þá getum við unnið talsvert átak á
sviði alþjóðasamskipta. þetta hefur tekist vel hingað til og
á vonandi eftir að ganga svo til í framtíðinni.
Nánari upplýsingar má
fá á sérstakri alþjóðasamskiptasíðu með því að
smella hér.
Til baka
MedicAlert®
Aðgát vegna sjúkdóms
MedicAlert®
var stofnað í Bandaríkjunum árið 1956. Merkisberar í dag eru langt
yfir fimm milljónir manna um allan heim. Talið er að frá stofnun
MedicAlert® hafi merkið bjargað yfir 100.000
mannslífum.
Stofndagur MedicAlert® á Íslandi var 30. janúar
1985. Aðildarfélög eru: Lionshreyfingin á Íslandi,
Blæðarafélag Íslands, FAAS - Félag aðstandandenda
Alzheimerssjúklinga, Gigtarfélag Íslands, Hjartaheill
- Landssamtök hjartasjúklinga, Lauf - landssamtök áhugamanna um
flogaveiki, Mígrensamtökin, Samtök sykursjúkra, SÍBS, og
Sjálfsbjörg - landssamband fatlaðra.
Á
fimmta þúsund einstaklingar á Íslandi bera nú MedicAlert®
öryggismerkið. Margir eru haldnir sjúkdómum sem geta versnað
skyndilega án þess að gera boð á undan sér. Sumir sjúkdómanna eru
þess eðlis að sjúklingurinn getur hvorki tjáð sig né leitað
aðstoðar. Slíkt ástand getur valdið örlagaríkum drætti á því að
sjúklingurinn fái rétta eða viðeigandi meðferð. Í versta tilfelli
getur slíkt ástand valdið varanlegum skaða eða jafnvel dauða.
MedicAlert®
er kerfi sem kemur til hjálpar í neyðartilfellum.
MedicAlert® er ódýr líftrygging
MedicAlert®
er fyrst og fremst sniðið fyrir sjúklinga, en það er ekkert sem
mælir gegn því að heilbrigðir beri líka MedicAlert®
merki til öryggis eða sem ígildi persónuskilríkja.
MedicAlert®
getur bjargað mannslífi.
MedicAlert®
eyðublað fyllir læknir út og umsækjandi undirritar ásamt lækninum.
MedicAlert®
umsókn er síðan komið á skrifstofu Lions, Sóltúni 20, 105
Reykjavík. Þar eru allar upplýsingar veittar. Síminn þar er 533
4567
MedicAlert®
er lítið snoturt merki, annað hvort notað sem armband eða hálsmen.
Á framhliðinni er merki MedicAlert® en á
bakhliðinni er símanúmer vaktstöðvar á slysadeild Landspítalans,
sjúkdómsgreining, hættuástand eða annað, sem viðkomandi sjúklingur
vill vekja athygli á. Neðst er spjaldskrárnúmer merkisberans. Á
vaktstöðinni er gjaldfrjáls símaþjónusta allan sólarhringinn. Auk
merkisins ber merkishafi á sér spjald með nánari upplýsingum.
Fulltrúar Lionshreyfingarinnar í MedicAlert® eru:
Magnús B. Einarsson, Lkl Mosfellsbæjar, formaður,
Guðmundur Bjarnason, Lkl. Víðarri, ritari og
Guðný Björnsdóttir, Lkl Engey, gjaldkeri.
Heimasíða MedicAlert® er
www.medicalert.is
Skrifstofa Lionshreyfingarinnar á
Íslandi veitir allar nánari upplýsingar um hvern málaflokk eða
vísar á tengiliði.
Sími
561 3122 og netfang:
lions hjá lions.is
Til baka
Orkester Norden
Orkester Norden er eitt af mörgum norrænum samstarfsverkefnum
Lionshreyfingarinnar. Upphafið á sér rætur í Svíþjóð á
árunum 1986 - 1987, þegar þáverandi alþjóðaforseti fól
sænskum Lionsfélaga, Lennart Fridén, að finna samnorrænt
verkefni fyrir ungt fólk á aldrinum 15 -25 ára. Lennart, sem
var skólastjóri við tónlistarskóla, datt strax í hug að
sameina ungt fólk í tónlist með því að koma á laggirnar
sinfóníuhljómsveit í hæsta gæðaflokki. Hann fékk til
samstarfs Samband norrænu félaganna, Musik og Ungdom og Norræna
menningarsjóðinn ásamt Lionshreyfingunni á Norðurlöndum.
Það var svo sumarið 1993 að
fyrsta námskeiðið var haldið í Arvika í Svíþjóð en því
lauk með tónleikaferð um Svíþjóð. Í hljómsveitinni voru
67 hljóðfæraleikarar, þar af 7 frá Íslandi. Fyrsta verkið
sem hljómsveitin flutti var eftir Þorkel Sigurbjörnsson
tónskáld.
Í mars árið 1994 var
hljómsveitinni boðið á þing Norðurlandaráðs í
Stokkhólmi, þar sem hún lék við afhendingu bókmennta- og
tónlistarverðlauna ráðsins.
Sumarið 1994 voru 104
hljóðfæraleikarar í hljómsveitinni, þar af 17 frá Íslandi.
Námskeiðið var haldið í Arvika en tónleikar voru haldnir í
Svíþjóð, Osló og Danmörku.
Sumarið 1995 var námskeiðið
haldið í Karis í Finnlandi, í hljómsveitinni voru 87
hljóðfæraleikarar, þar af 18 frá Íslandi. Tónleikar voru í
Finnlandi , Kaupmannahöfn og Malmö.
Sumarið 1996 var námskeiðið
aftur flutt til Arvika, í hljómsveitinni voru 96
hljóðfæraleikarar, þar af 10 frá Íslandi. Tónleikar voru
haldnir í Noregi og einnig var leikið inn á geisladisk.
Sumarið 1997 verður námskeiðið
í Svíþjóð og tónleikar verða haldnir þar.
Á þeim árum, sem Orkester Norden
hefur starfað hafa Lionsklúbbar á Norðurlöndum greitt
þátttökugjöld fyrir hljóðfæraleikarana og hafa tekið fé
til þess úr verkefna- og líknarsjóðum klúbbanna.
Hljóðfæraleikararnir hafa hins vegar þakkað fyrir sig með
því að leika fyrir klúbbfélaga við sérstök tækifæri.
Árin 1993 - 1995 var Esa Pekka
Salonen hljómsveitarstjóri listrænn ráðunautur
hljómsveitarinnar, en 1996 tók hljómsveitarstjórinn Paavo J”rvi
við því hlutverki. Hljóðfæraleikararnir eru valdir á þann
hátt, að þeir leika fyrirfram ákveðin verkefni inn á
kassettur sem sendar eru til framkvæmdaraðila hennar, Svenska
Rikskonserter í Stokkhólmi. Síðan eru sett númer á
kassetturnar, þær fengnar atvinnuhljóðfæraleikurum í
Stokkhólmi sem síðan velja þá hæfustu til þátttöku. Því
verður að segjast eins og er að við Íslendingar getum mjög
vel við unað við fjölda okkar þátttakenda. Vonandi heldur
hljómsveitin áfram að dafna og þróast í framtíðinni með
dyggum stuðningi yfirvalda, Lionshreyfingarinnar og annarra
frjálsra félagasamtaka.
Skrifstofa Lionshreyfingarinnar á
Íslandi veitir allar nánari upplýsingar um hvern málaflokk eða
vísar á tengiliði.
Sími
561 3122 og netfang:
lions hjá lions.is
Til baka
Hjálparsjóður Lions
Hjálparsjóður Lions
er til að veita neyðaraðstoð ef skjótt á að bregðast við í nafni
Lionshreyfingarinnar á Íslandi vegan náttúruhamfara t.d. og
styrkir innlend og alþjóðleg verkefni.
Minningarkort Lions
er aðalfjáröflunarleið sjóðsins, þau eru til afhendingar á
Lionskrifstofuni og eiga að vera til í öllum klúbbum
Lionshreyfinngarinnar.
Starfsárið
2008-2009 vorur veittir styrkir til Hjartaheilla og
eineltisverkefnis Lkl.Úlfars í Grafarholti.
Styrkumsóknir
berist til Guðmundar Finnbogasonar, formanns sjóðstjórnar,
astgudm@simnet.is s:8613894.
Skrifstofa Lionshreyfingarinnar á
Íslandi veitir allar nánari upplýsingar um hvern málaflokk eða
vísar á tengiliði.
Sími
561 3122 og netfang:
lions hjá lions.is
Til baka
|
