Guðrún B.
Yngvadóttir, varaumdæmisstjóri 109 A
Á umdæmisþingi 109 A kynnti Laufey Jóhannsdótir framboð Guðrúnar B.
Yngvadóttur. Kynning hennar kemur hér á eftir:
Framboð til Varaumdæmisstjóra 2007-8 Umdæmi 109 A.
Guðrún Björt Yngvadóttir Lkl. Eik, Garðabæ
Guðrún er fædd í Reykjavík 13. maí 1948. Hún lauk stúdentsprófi frá
Menntaskólanum í Reykjavík 1968 og prófi lífeindafræði frá Tækniskóla
Íslands 1970. Hún starfaði við rannsóknir og kennslu á Íslandi og Svíþjóð
til ársins 1980. Í Svíþjóð var hún í stjórnunarnámi og í lífeðlisfræði
við Háskólann í Gautaborg og í Skövde. 1980-1987 starfaði Guðrún sem
deildarstjóri Heilbrigðisdeildar Tækniskóla Íslands. 1987-1990 stundaði
hún nám í listasögu og heimspeki við Háskóla Íslands. 1990 hóf Guðrún
störf hjá Endurmenntun Háskóla Ísland, fyrst sem deildarstjóri, en lengst
af sem aðstoðarforstöðumaður og námsstjóri, en sinnir núna eingöngu
sérverkefnum.
Guðrún gekk í Lionsklúbbinn Eik í Garðabæ 1992 og hefur verið vikur félagi
síðan, m.a. formaður 1999-2000. Í umdæmisstjórn var hún Leofulltrúi
1994-1998, gjaldkeri 2000-2001 og fræðslufulltrúi 2002-2003.
Í fjölumdæmisráði var hún ritari 1995-1996 og fræðslustjóri 1996-2002.
Guðrún hefur kennt á leiðtoganámskeiðum á Íslandi síðan 1997, á
Leiðtogaskólum í Evrópu síðan 1999, verið fyrirlesari og kennari á Evrópu
Forum og Alþjóðaþingum síðan 2000 og einnig á ýmsum umdæmisþingum í
Evrópu. Guðrún er stofnandi og ábyrgðarmaður Leiðtogaskóla Lions á
Íslandi, sem hefur verið haldinn árlega síðan haustið 2000. Guðrún er
Melvin Jones félagi og hefur fengið fjölda viðurkenninga, m.a.
Alþjóðaforsetaorðuna og Forystuorðu alþjóðaforseta.
Guðrún er gift Jóni Bjarna Þorsteinssyni lækni, félaga í Lkl.
Mosfellsbæjar og fyrrv. alþjóðastjórnarmanni. Þau eiga tvö börn, Þorstein
Yngva og Ingibjörgu Hönnu og tvö barnabörn. Þorsteinn og Ingibjörg voru
Leofélagar og er Þorsteinn núna Lionsfélagi í London, þar sem hann
starfar.
Guðrún Björt er einstakur félagi, bóngóð, skipulögð víðsýn og réttvís.
Fyrir hönd Lionsklúbbsins Eikar býð ég Guðrúnu Björtu fram í embætti
varaumdæmisstjóra.
18. maí 2007 á Umdæmisþingi 109 A. Laufey Jóhannsdóttir verðandi formaður
Lkl Eikar.
Eftirfarandi grein birtist í Lionsblaðinu, tölublaði 240 í tilefni
af því að í ár 2007 eru 20 ár frá því konur gátu orðið fullgildir
félagar innan Lionshreyfingarinnar:
Laufey Jóhannsdóttir er ein af fyrstu konunum í heiminum sem
verður fjölumdæmisstjóri Lionshreyfingarinnar.
Við hittum að
máli Laufeyju Jóhannsdóttur framkvæmdastjóra.
Hún er fyrst kvenna á Íslandi til þess að gegna stöðu umdæmisstjóra og
fjölumdæmisstjóra hér á landi. Jafnframt er hún ein af fyrstu konunum sem
gegndi stöðu fjölumdæmisstjóra innan Lionshreyfingarinnar .
Hún er
stofnfélagi í Lionsklúbbnum Eik og er senn að hefja sinn annan hring ef
þannig má komast að orði því á næsta starfsári verður hún formaður í annað
sinn.
Við spyrjum Laufeyju um hennar upplifun af því að taka við þessum embættum
og hvernig henni lítist á stöðu kvenna í hreyfingunni eftir 20 ár?
Það var mjög
sterk upplifun að gegna embætti umdæmisstjóra, ég hef alltaf litið á það
sem viss forréttindi að vera umdæmisstjóri, fá tækifæri til þess að
heimsækja klúbbana og hitta jafnmarga Lionsfélaga og umdæmisstjóraembættið
veitir manni tækifæri til. Kynnast öllu þessu fólki sem hefur
Lionshugsjónina að leiðarljósi og vinnur að sama markmiði og maður
sjálfur, óháð stað, landi eða tungumáli.
Það að fá að
vera fyrsta konan hérlendis var svo eins og viðbótin við þetta allt. Mér
eru einkum hugleiknir einnig dagarnir í Lionsskólanum í Seoul en þar var
alþjóðaþingið haldið árið sem ég varð umdæmisstjóri. Þar var mér tekið
mjög vel og ekki síður á þinginu í Montreal árið eftir, þar sem ég var
nánast eina konan með nokkur hundruð fjölumdæmisstjórum.
Ekki síður hér heima var mér mjög vel tekið og þegar ég lít til baka held
ég að Lionsmenn hafi verið mjög jákvæðir í minn garð og tilbúnir að fá
konu í forystuhlutverk.
Ég er félögum mínum í Lionsklúbbnum Eik, sem og forystusveitinni afar
þakklát fyrir að hafa kjarki til þess að bjóða mig fram til þessara starfa
fyrir Lions gefa mér þetta tækifæri sem var svo einstakt.
Ég gekk til liðs
við Lions árið 1985 í Lionessuklúbbinn Eik og var formaður þegar
klúbburinn færðist yfir í Lionsklúbb. Ég var þátttakandi í þessum
breytingum og held að þess vegna hafi ég verið tilbúin að taka að mér
þetta forystustarf sem var svo gefandi og skemmtilegt og í raun man ég
ekkert nema skemmtilegu kaflana úr þessu starfi.
Það er ljóst að konur hafa haslað sér völl innan Lions og það er vel,
sjónarmið beggja kynja geta verið ólík en þegar þau koma sama þá er víst
að árangurinn verður góður.
Það skiptir
hreyfingu eins og Lions miklu máli að forystan sé sterk, áhrifarík og
hafi þann drifkraft sem þarf til þess að knýja öll hjólin í vél
Lionshreyfingarinnar.
Þar skipta konur miklu máli og vaxtabroddurinn er að sjálfsögðu að fjölga
félögunum og þá sérstaklega konum.
Í dag ganga jafnt karlar og konur í öll embætti, viðhorfin hafa breyst og
er það mjög jákvætt. Konur verða að axla ábyrgðarstörfin í Lions alveg
jafnt og karlarnir.
Þegar ég horfi 20 ár fram í tímann er ég þess fullviss að þá verða konur
komnar til metorða í æðstu stjórn hreyfingarinnar bæði hér á landi og ekki
síður á alþjóðavettvangi svo sem í alþjóðastjórninni og sem
alþjóðaforsetar.
Ég er oft hugsi
yfir hvort verkefni eins og umdæmis- eða fjölumdæmisstjóri eigi að vera
starf í tvö ár, það er svo óendanlega margt nýtt að læra í byrjun sem gæti
nýst vel seinna árið í þessum viðamiklu störfum. Tíminn leiðir það svo í
ljós hvort fleiri eru á sama máli í þessu efni.
Ég á mér þá ósk
heitasta að Lionshreyfingin á Íslandi fái að vaxa og dafna í náinni
framtíð og að þau góðu verk sem Lions stendur fyrir verði samferðamönnum
bæði á Íslandi sem og öll störfin erlendis til góðs og að líknar og
mannúðarmál Lions sem stendur fyrir verði þeir ljósberar sem Lions var
fyrir Helen Keller og Melvin Jones sagði; Lionshreyfingin er óhagganlegur
friðarboði sem tryggir frelsi og réttlæti allra, einstaklinga og þjóða.
Þannig sé ég Lions fyrir mér um ókomna tíð”
Með þessum
orðum kveður frumkvöðullinn meðal íslenskra kvenna og er bjartsýn á
Lionshreyfinguna nú sem aldrei fyrr.
Grein
sem birtist í Garðapóstinum í janúar 2006
LIONSKLÚBBURINN EIK Í GARÐABÆ Leggur lið
Einkunnarorð Lionshreyfingarinnar sem við öll vinnum mikið eftir
er: VIÐ LEGGJUM LIÐ, og oftast er það í okkar eigin bæjarfélagi
sem við tileiknum okkur þessi einknunarorð. Það er því rétt að
skýra frá einstökum verkefnum við höfum tekið okkur fyrir nú í
vetur.
Fyrst ber að nefna að Guðbjörgu Ó. Bjarnadóttur var veitt Melvin
Jones viðurkenning fyrir óeigingjörn störf sín í þágu Lions.
Þetta er æðsta viðurkenning sem veitt er innan
Lionshreyfingarinnar, en Melvin Jones var stofnandi
Lionshreyfingarinnar.
Einnig fengu Auður Jóhannesdóttir og Lilja Hallgrímsdóttir
viðurkenningu frá Alþjóða Lionsskrifstofunni fyrir að fjölgun
félaga í Lions.
Fyrsta
verkefni vetrarins var að afhenda þrjú felliborð til starfsemi
eldri borgara í Garðabergi. Borðin hafa svo sannarlega komið að
góðum notum og eru sérlega þægileg fyrir starfið.
Lionsfélagar í Eik hafa um árabil heimsótt Holtsbúð, vistheimili
aldraðra í Garðabæ, einu sinni fyrir áramót og síðan aftur að
vori. Á aðventunni fjölmenntu félagar með það í huga að eiga með
vistmönnum góða stund, bjóða upp á kaffiveitingar og eitthvað
létt í tali og tónum. Í heimsókninni var heimilinu afhentur
aðventukrans og Álfheiður vistmaður, ásamt tveimur
leikskólabörnum kveiktu á fyrsta kertinu, en börn úr
leikskólanum Bæjarbóli í umsjá Ernu Aradóttur Lionsfélaga komu
og sungu fyrir gesti. Það leyndi sér ekki að börnin áttu athygli
allra sem á hlustuðu. Lilja Hallgrímsdóttir sagði síðan frá
merkingu og nöfnum aðventukertanna. Á eftir var boðið upp á
kaffihlaðborð sem var vel þegið af nærri 70 heimilismönnum. Það
er gaman og gefandi að koma og vera með fólkinu þarna þessa
stund og spurning hvor er þakklátari á eftir, Lionsfélagarnir
eða heimilisfólkið.
Lionsklúbburinn. Eik hefur gefið út litabókina um Brunavarnir
heimilanna og boðið til sölu í Lionsklúbbana hér á landi. Bókin
er ætluð til að virkja börnin sem brunaverðir heimilanna og
kynna þeim brunavarnir inni á heimilunum. Nú, eins og áður, var
farið í grunnskólana í Garðabæ, Faltaskóla, Hofstaðaskóla,
Sjálandsskóla og Barnaskólann á Vífilstöðum. Öllum nemendum í
öðrum bekk var afhent litabókin. Það er stefna okkar með
litabókinni að gera börnin að brunavörðum heimilanna, með
forvarnarstarf í huga.
Lionskúbburinn Eik hefur á undanförnum árum fært Flataskóla og
Hofstaðaskóla uppstoppaða fugla. Nú í vetur var hvorum skóla
færðir þrír fuglar ásamt eggjum.
Þetta
er aðeins hluti af því gróskumikla starfi sem er í Lionskúbbnum
Eik, en ýmislegt skemmtilegt er framundan í leik og starfi.
Klúbburinn leggur mikið uppúr inra starfi og að félagsandinn sé
léttur og jákvæður. Fundirnir hjá Eik eru því ávallt
skemmtilegir og fræðandi.
Kristíana Kristjánsdóttir
Samskiptafulltrúi.
Ávarp
flutt á 20 ára afmælishátíð Eikar 17. apríl 2005
Fjölumdæmisstjóri, umdæmisstjóri, formaður, aðrir
embættismenn Lionshreyfingarinnar á Íslandi.
Eins
og Lilja nefndi þá var hér í þessu húsi sem Lionessuklúbburinn
Eik var stofnaður 17. apríl 1985. Stofnfélagar voru 50 konur.
Það var svo í febrúar 1988 sem klúbburinn varð Lionsklúbbur eða
fljótlega eftir að konur fengu kosningarétt innan
Lionshreyfingar.
Hvers
vegna Lions í apríl 1985 ? Hvað var í gangi í samfélagi okkar.
Rás 2 var nýbyrjuð. Allar konur með túberað hár og Wham tískan
með stutt pils og síðar kápur, allir með grifflur og ekki maður
með mönnum nema eiga legghlífar. Og ef við kíkjum á myndirnar
frá stofnfundinum þá sjáum við þetta.
Fórum
til og frá landinu um gömlu flugstöðvarbygginguna og horfðum
skelkuð á Kanann í hliðinu ! Við áttum ekki GSM síma, við áttum
ekki greiðslukort. Það var ekki búið að malbika hringveginn við
vorm æði margar heimahúsmæður og þannig mætti lengi telja.
Ef ég segi ykkur eins og er þá ætlaði aldrei að verða Lions
aldrei þetta ameríska karlakjaftæði sem Skúli var í. En ég var
forvitnin um þessar konur þær vöktu áhuga minn. Takmarkanir á
inngöngu. Vegna áhuganns 51. félagi.
Stofnun og þátttakandi frá upphafi.
Að móta starfið frá upphafi var skemmtilegt og ögrandi en umfram
allt gefandi.
Árið
1987 var tímamótaár.
Konur
fengu fulla aðild í Lions 1987. Það voru merk tímamót en við
vildum líka ráða og lögðum áherslu á fundina og gæði þeirra en
ekki magnið. Einn formlegur fundur í mánuði. Og annar fundur með
óformlegum hætti. Þetta var okkar framtíðarsýn
Við tókum margar glímur um það mál og enduðum með því að ráða.
Fullar af áhuga og metnaði fyrir sinn klúbb fyrir félagana sína.
Sigrún Jensdóttir formaður fyrstu fjáröflunar en Lilja
Hallgrímsdóttir formaður. Við höfum lagt ótal verkefnum lið.
Við höfum tekið að okkur margvísleg verkefni á heima- lands- og
alþjóðavísu. Við höfum tekið þátt í að móta starf
hreyfingarinnar með þátttöku á öllum sviðum og verið í stjórun
og mótun hreyfingarinnar hér á landi. Allt til æðstu embætta
hennar.
Tókum að okkur að skreyta Garðakaup, flott verkefni sem gaman
var að vinna og bjuggum til og seldum aðventukransa. Ógleymanleg
kjötsúpa í potti sem Gíslína okkar bjó til.
Við áttum allar lopapeysur og þetta var fyrir daga flíspeysanna.
Verkefnin óendanlega mörg. Þrífa Flugstöð Leifs Eirikssonar.
Þrífa Hótel Holiday Inn ( hvað er nú það ? Grand Hótel i
Reykjavík).
Þrifum nýjar íbúðir í Grafarvogi, íbúðir í Kópavogi, íbúðir
eldriborgara við Hrafnistu. Seldum áskrift að tímaritum og gekk
vel. Einn félaginn gerði sér lítið fyrir og keypti hest í
leiðinni.
Tækifæri til að hafa áhrif.
Höfum tekið að okkur forystuhlutverk og lagt lið og skapað
samfélagsleg gildi. Við erum þátttakendur í norrænu samfélagi og
alþjóðlegu samstarfi en allt þetta erum við af því að við erum
félagar í Lionsklúbbnum Eik í Garðabæ.
Svona gæti ég lengi talið en læt þetta nægja.
Afmælisnefndin hefur haft í mörgu að snúast í vetur og við
ljúkum svo starfinu með ferð til Madrid í maí.
Vil ég vekja athygli á sögusýningunni sem Erla Lúðvíksdóttir og
Iðunn Gróa Gísladóttir eiga veg og vanda að.
Ágætu gestir fyrir hönd okkar í Lionsklúbbnum Eik bíð ég ykkur
velkomin og bið ykkur að lyfta glösum um leið og ég bið ykkur að
gjöra svo vel og njóta veitinganna sem fram eru bornar.
Heimagerðar sultur, brauð, kökur og pesto auk annars góðgætis
sem fram er borið. Njótið vel.
SKÁL.
Flutt á 20. ára afmælishátíð Eikar á Garðaholti 17. apríl 2005.
Laufey Jóhannsdóttir formaður afmælisnefndar.
Eftirfarandi grein ritaði Laufey Jóhannsdóttir í janúarhefti
Lionsblaðsins árið 2005
Hvernig getum við haft áhrif á konur að
koma með okkur í þennan lífsglaða hóp sem vinnur svo mörg verk í
þágu líknar- mannúðar og menningar?
Í
Lions starfa konur og karlar hlið við hlið óháð aldri, menntun,
starfi eða hverju því sem svo greinir okkur í ólíka
einstaklinga. Alveg á sama hátt greinast klúbbar í ólíkar
gerðir, kvennaklúbba, karlaklúbba og blandaða klúbba. Verkefnin
eru fjölbreytileg, sumir styrkja gróðurvernd, aðrir styðja
þroskahefta enn aðrir stykja sjúka allt eftir því hvað hver
klúbbur hefur valið að einbeita sér að.
Eitt eigum við öll sameiginlegt, við erum í Lions stærstu
þjónustu samtökum í heimi.
Við sem höfum lagt hreyfingunni lið erum stolt af þátttöku
okkar, stolt af verkum Lionshreyfingarinnar um allan heim,
sameiginlegum verkum Lions á Íslandi svo sem í þágu blindra,
gigtarrannsókna, krabbameinslækningatæki og margt fleira. Við
erum stolt af verkum klúbbsins okkar hvar sem við erum á
landinu.
Hvernig getum við haft áhrif á konur að koma með okkur í þennan
lífsglaða hóp sem vinnur svo mörg verk í þágu líknar- mannúðar
og menningar?
Ef ég ætti eitt svar við þessu væri þessi grein ekki til.
En verk okkar er að koma þessum skilaboðum áleiðis. Starf í
Lions er gefandi, þroskandi en ekki síst gefur það tækifæri til
þess að öðlast félagslegan þroska. Tækifæri til þess að bæta við
þekkingu hvort heldur sem er á samfélagslegum málum sem snúa
beint að verkefnum í heimabyggð á hverjum tíma eða verkefni á
alþjóðlegum vettvangi svo sem nú er vegna flóðanna í Asíu á
síðustu jólum.
Fleiri
konur.
Í
Lions eru ómetanleg tækifæri til þess að láta gott af sér leiða.
Undir merkjum Lions er gott og gaman að starfa. Hver einstakur
klúbbur hefur ómetanleg tækifæri til þess að laða fleiri að
metnaðarfullu starfi í Lions.
Ég hvet alla til þess að skilgreina vel hvað hefur þinn
klúbbur að bjóða nýju fóki í Lionshreyfingunni. Ég er þess
fullviss að það eru ótrúlega margt sem þinn klúbbur getur boðið
nýjum félögum upp á í í leik og í starfi í þágu Lions.
Í Lions störfum við saman konur og karlar framtíðin er í höndum
félaganna.
Fjölgun kvenna í Lions mun efla og styrkja Lionshreyfinguna í
framtíðinni.
Ég hvet Lionsfélaga til þess að efla kynningu á Lions, halda
kynningarfund eða bjóða gestum á almennan Lionsfund og koma á
markvissu kynningarstarfi á hverjum einstökum Lionsklúbbi heima
í héraði.Vinna verkefnið maður á mann og efla þannig kynninguna
á Lions.
Bjóðum vinnufélaga, vinkonu, frænku, dóttur, tengdadóttur,
systur eða hverri þeirri konu sem við viljum að laða að Lions á
fund.
Hikum ekki við að kynna allt það sem Lions hefur upp á að bjóða.
Þeim mun fleiri sem við bjóðum með þeim mun fleiri fáum við með
og fáum þannig fleiri konur í Lions.
Laufey Jóhannsdóttir.
Útbreiðslustjóri kvenna.
