Mið
1. apr. 2008
Lionsklúbburinn Eik - fréttakorn.
Í lok febrúar fóru félagar í
Lionsklúbbnum Eik í heimsókn að hjúkrunarheimilinu Holtsbúð. Sú hefð
hefur skapast að fara helst tvisvar á vetri í heimsók í Holtsbúðina.
Við bjóðum heimilisfólkinu upp á kaffi og
eitthvað gott meðlæti. Við höfum verið svo lánsamar að fá píanóleikarann
góða Pálmar Ólason með okkur í þessar heimsóknir.
Það hefur ríkt kátína og gleði við söng
og hljóðfæraleikinn. Heimilisfólkið hefur tekið hressilega undir í
söngnum og margar ljúfar minningar komið upp í hugann við að heyra
tónistina.
Það er ákaflega gefandi að fá tækifæri
til þess að koma í Holtsbúðina og eyða dagparti með heimilisfólkinu þar
sem er okkur þakklátt fyrir komuna.
Fundurinn í mars var í höndum
varastjórnar og stýrði Magnea varaformaður fundinum af lipurð og
léttleika. Við fengum góðan fyrirlesara á fundinn en það var Sigrún
Daníelsdóttir sálfræðingur sem fjallaði
um megrunarlausa daginn í maí á ári
hverju. Efnið fjallaði um átröskun og áhrf hennar á líðan fólks,
sérstaklega ungs fólks. Fyrirlesturinn var mjög áhugaverður og vakti
margar spurningar og miklar umræður spunnust á eftir.
Magna las svo upp úr annálabókinni,
einstaka frásögn af Íranskri stúlku Ryan sem hún kynntist í Bandaríkjunum
sl. vetur. Var frásögn hennar leiftrandi skemmtileg og lifandi.
Félaganefnd kynnti varastjórn og bar fram
tillögu um nýjan félaga. Með þessum nýja félaga hafa þá þrjár konur bæst
í hópinn í vetur og er það afar ánægjulegt fá þær til liðs við Lkl Eik.
Næsti fundur er svo ferðalag ekki alveg
út í bláinn.
Fyrirhugað er að fara í skoðunarferð í
Garðinn og skoða Byggðasafnið í Garðinum en það er í Garðskagavita.
Á eftir ætlum við svo að borða í
veitingastaðnum Flösinni og njóta þess að vera saman á vorkvöldi á
Suðurnesjum.
Framundan er svo að selja Rauða Fjöður
sem mun örugglega ganga vel enda er málefnið sem safnað er fyrir þarft og
gott, þ.e. söfnun fyrir fylgdarhundum til handa blindum.
Mán. 25. feb. 2008
Það var annasamur en ánægjuríkur dagur í dag í Lionsklúbbnum Eik 24.
febrúar
Kvennamessa
í Vídalínskirkju.
Lionsklúbbarnir
í Garðabæ hafa um langt árabil verið með það verkefni að sjá um að laga
súpu að aflokinni messu fyrir sóknarnefnd Garðasóknar.
Messurnar eru
auglýstar sérstaklega og hefur þetta verið skemmtilegt verkefni fyrir
Lionsklúbbana og ljúft að vinna.
Í gær var
Konudagurinn og súpa og brauð í boði sóknarnefndar í safnaðarheimilinu í
Vídalínskirkju.
Mjög margar
okkar mættu í messuna og / eða í vinnu við að undirbúa hádegisverðinn.
Það var líf og fjör að laga hádegisverð og taka saman aftur en gestir sem
snæddu hádegisverð voru ríflega 220 manns.
Nýr
Lionsklúbbur - Concordia.
Sama dag var
svo stofnfundur í Lionsklúbbnum Concordia sem við erum stofnendur að.
Lionsklúbburinn Eik hefur tekið að sér að vera móðurklúbbuinn þeirra.
Félagarnir eru af pólskum ættum en búsett á Íslandi. Það var mikil gleði
og tilhlökkun í Pólverjunum okkar, þau eru með fullt af hugmyndum um
verkefni bæði hér á landi sem í Póllandi. Það verður ánægjuríkt að fylgja
þeim eftir og aðstoða þau við að móta starfið sitt hér á landi.
Líklegur dagur
fyrir stofnskrárhátíðina þeirra er síðasti vetrardagur 23. apríl en nánar
um það síðar.
Guðrún
Yngvadóttir varaumdæmisstjóri og Lilja Hallgrímsdóttir sem tekið hefur að
sér að vera Leiðaljónið fyrir Concordiu eiga mikið lof skilið fyrir
framúrskarandi starf við stofnun klúbbsins.
Í heimsókn í
Holtsbúð.
27. febrúar
ætlum við að vera í Hjúkrunarheimilinu Holtsbúð.
Við bjóðum
heimilisfólkinu í eftirmiðdagskaffi, komum með eitthvað heimagert góðgæti
og spilum svo af fingrum fram eitthvað skemmtiefni.
Þetta er
verkefni sem mælist mjög vel fyrir og er ánægjulegt að vinna að.
Heimilisfólk og starfsfólk tekur okkur Lionskonum opnum örmum og eigum
við saman notalega samverustund.
Það hafa bæst
tveir nýir félagar í Lionsklúbbinn Eik og fleiri sem eru að koma til liðs
við klúbbinn. Það er einstaklega gaman að fá nýja félaga sem er tilbúnir
að leggja lið.
Lionsklúbburinn
Eik heldur upp á 20 ár sem fullgildur lionsklúbbur um þessar mundir.
Hátiðarfundur þessu tengdur var 19. febrúar að Garðaholti. Félagarnir buðu
með sér gestum og áttum við saman skemmtilega stund.
Fös. 15. feb. 2008
Gestafundur 19. febrúar næstkomandi
Næsti fundur Lionsklúbbsins Eikar verður þriðjudaginn 19. febrúar og hefst
kl. 19.00.
Fundarstaðurinn er
Garðaholt sem er vel við hæfi á afmælisfundi.
Við í stjórninni
höfum undirbúið þennan fund og langar að hafa hann hátíðlegan
Þetta er
gestafundur og hvetjum við ykkur til þess að taka með ykkur gesti: Maka,
börn, vinkonur eða einhvern ykkur kæran.
Dagskrá fundarins
er eftirfarandi;
Fundur
settur kl. 19.00
Fundargerð
síðasta fundar og póstur.
Matarhlé.
Inntaka
nýrra félaga og viðurkenningar.
Tónlistaratriði, Hjörleifur Valsson fiðluleikari.
Sögustund - Eikarrevía
Fjöldasöngur og léttmeti.
Vinsamlegast látið
vita um þátttöku og fjölda gesta til Guðrúnar Össurard. í
veitinganefndinni eða Guðbjargar Ólafar.
Hlökkum til þess
að eiga saman notalega Lionsstund á Garðaholti.
Stjórn Lkl Eikar.
Laufey
Jóhannsdóttir.
19. sept. 2007
Fréttir frá fyrsta fundi starfsársins 2007-8.
Við hittumst
kátar og hressar að afloknu ljúfu sumarleyfi. Það voru fagnaðarfundir og
faðmlög sem klingdu um salinn í Garðabergi þar sem fundurinn var haldinn.
Við erum búnar að eiga samveru í Lionsklúbbnum Eik í á þriðja áratug og
vinarþel er einkennandi fyrir starfið okkar.
Kínverskt þema
var í matinn og skreytingarnar með kínversku ívafi. Kunnum við vel að meta
það sem fram var borið.
Fordrykkur var
í boði formannsins og svo buðu þær sem eru í veitinganefndinni upp á
ostaköku í eftirrétt svo það var sannkölluð veisla hjá okkur.
Við höfum valið
að hafa mannrækt og mannúð í forgrunni þetta árið og láta það vera
yfirskriftina á starfinu í vetur.
Eitt af gildum
Lionshreyfingarinnar er mannrækt og fer vel saman með því sem við störfum
að í Eik.
Klúbburinn
okkar er framsækinn og vísa ég til upphafsáranna en byggjum á gömlum
gildum.
Í daglegu
starfi okkar er virðing, vöxtur, viska og víðsýni höfð að leiðarljósi.
Okkur langar í
vetur að reyna á gleði, hugmyndaauðgi, frumkvæði,sveigjanleika og velvilja
til þess að láta okkur líða vel saman um leið og við látum gott af okkur
leiða.
Á fundinum voru
reikningar ársins samþykktir sem og voru kynntar fréttir og farið mjög
stuttlega yfir póst.
Okkur langar í
vetur að kalla til skemmtilega fyrirlesara um áhugaverð efni líðandi
stundar og hafa fundina hnitmiðaða, líflega en samt ekki of langa.
Fyrirlesari á
fundinum var Gunnar Einarsson og flutti hann okkur fróðleik um lífið í
Garðabæ. Fór yfir það sem bærinn er að vinna að í skipulags- skóla-
umhverfis- og menningarmálum. Hann fór jafnframt yfir það helsta sem
framundan er í uppbyggingunni í bænum. Nýjan miðbæ og þróun hans sem og
Hönnunarsafn Íslands í Garðabæ ásamt mörgu öðrum um Garðabæ sem gaman var
að hlusta á.
Gunnari voru
þökkuð orðin með góðu lófataki og fékk hann svo fána klúbbsins í
kveðjurskini.
Í
október er fyrirhugað að heimsækja Hönnunarsafn Íslands, geymslurýmið og
fá fyrirlestur frá forstöðumanni safnsins um safnið og hönnun á Íslandi.
Fundurinn er fyrirhugaður 16. október.
Í lokin áttum
við svo saman notalegt kaffispjall á léttum nótum um lífið og tilveruna.
Laufey Jóhannsdóttir, formaður.
Boðað til
fundar í Ferða- útivistar og skógarnefndar kl. 19:45 þann 12. febrúar 2007
hjá Erlu að Strandvegi 12, Garðbæ
Mættar:
Erla, Erna, Guðbjörg, Kristín
Ræddar voru tillögur um ferð í apríl og var samþykkt tillaga sem Kristín
lagði fram.
Farið verður í Borgarnes að skoða Landnámssetrið en þar eru tvær sýningar
í gangi
og hægt að skoða báðar ef vill. Skoðuð voru matartilboð hjá Hamri, húsi
Golffélagsins í Borgarnesi og hjá Landnámssetrinu og ákveðið var að taka
tilboði hins síðarnefnda.
13. maí 2007
Símafundur í Ferða- útivistar og skógarnefnd vegna hreinsunarferðar í
Smalaholt
Erna, Guðbjörg, Kristín, Erla
Ákveðið að
tilkynna ferð í Smalaholt á síðasta fundi Eikar þriðjudag 15. maí að
fengnu samþykki formanns Eikar.
Formaður Ferðanefndar sagði nefndarkonum að búið væri að bera olíu á
borðið en þar naut hún fulltyngis maka síns einn kaldan en sólríkan
maímorgun. Eftir er að setja upp skiltið og stendur til að þeir
heiðursmenn Ásmundur og Hilmar taki það að sér sem fyrr, en sá fyrrnefndi
á heiðurinn af smíðinni á þessu fallega skilti og hefur séð um viðhald á
því gegnum árin.
Ákveðið að boða konur í Smalaholtið fimmtudag 31. maí 2007 og rætt við
Hjördísi, formann Eikar um þá tímasetningu. Einnig tekin ákvörðun um kaffi
og meðlæti.
Erla S.
Lúðvíksdóttir
Lionsklúbburinn Eik
Ferð í
Landnámssetrið í Borgarnesi föstudag 27. apríl 2007
Lagt var upp
frá Flataskóla um kl. 18:30 með rútu frá Guðmundi Jónassyni. Kröftugi
kjarninn í ferðanefndinni var þá búinn að ljúka innheimtustörfum en einn
farþegi enn ókominn. Þegar slegið var á þráðinn kom í ljós að sú hafði í
önnum dagsins gleymt ferðinni og var lagt af stað við svo búið.
Það fór vel
um fólkið í rútunni enda snérist veitinganefndin í kringum farþegana af
þjónustulund sem hver barþjónn hefði mátt vera stoltur af.
Var nú ekið
sem leið lá gegnum Mosfellsbæ, en ekki stansað við Áslák eins og fyrst var
inni í myndinni, enda búið að ákveða að geyma það til betri tíma.
Aksturinn
til Borganess tók um einn tíma. Haldið var áfram gegnum bæinní átt að
Brákarey og að Landnámssetrinu. Þar var margt um manninn enda þrjár
sýningar í gangi sem voru Egilssaga, Landnám Íslands og leiksýning.
Við höfðum
valið Egilssögu en þegar til kom var okkur boðið að sjá Landnám Íslands í
kaupbætir og var boðið þegið með þökkum.
Við mynduðum
fljótlega tvo hópa á sitt hvora sýninguna og fengu allir heyrnartól til
að hlusta á söguna um leið og farið er í gegnum sýninguna.
Fólkinu var
hleypt inn með ákveðnu millibili svo ekki myndaðist þröng en
sýningaratriðin eru í tölusettri röð og því auðvelt að fylgja
söguþræðinum. Voru þetta sérstæð ferðir gegnum söguna og samhljóma álit
allra að þetta væru afar áhugaverðar sýningar og mikilli hugkvæmni
verið beitt við gerð þeirra.
Að sýningum
loknum var sest að snæðingi og fram borin súpa og kjötréttur sem hvort
tveggja bragðaðist mjög vel. Kaffi á eftir. Einhverjir pöntuðu sér heldur
fisk.
Kjartan
Ragnarsson, leikari sem rekur Landnámssetrið ásamt Sigríði konu sinni var
nú kallaður í salinn af Magnúsi Stephensen sem færði honum gamla ljósmynd
úr skátastarfi þeirra félaga. Var myndin frá einhverri leiksýningu sem
þeir tóku þátt í ásamt fleiri ungum mönnum og voru þeir allir í kjólum, en
með þeim á myndinni var Emelía Jónasdóttur leikkona. Var auðséð að Kjartan
hafði gaman af.
Skömmu
seinna var farið að tygja sig til heimferðar sem gekk fljótt og vel og
öllum skilað heilum og ánægðum heim í Garðabæ.
Erla S.
Lúðvíksdóttir
formaður
ferða- útivistar- og skógarnefndar
Í
Álftanesskóla í ársbyrjun 2007
Í skólanum á
Álftanesi starfið dável gengur
af sjálfsaga og sjálfsstjórn uppeldinu fylgt
og skipperinn og aðrir stjórar efast ekki lengur
að skútan stefni í rétta átt og eftir henni siglt.
Þar ritarinn hún Magga er ríkum kostum búin
rokna skjót að störfum og virðist aldrei
þreytt
í ljósritun og símsvörun á sama tíma frúin
svo snögg að sumir halda hún geri aldrei neitt.
Í bókasafni skólans er býsna mörgu að sinna
bækur fylla hillur og börnin stóla og borð
í tug af bókum, tímaritum ýmislegt má finna
og talsvert margir kjósa þar við Jónu að eiga orð.
En þar er
Jóna að störfum stóran part úr degi
að skóla
loknum almenningssafnið tekur við
þar sitja
vaktir hún og Magga, en um báðar segi
að starfsfólk
betra enginn gæti kosið sér við hlið.
Es
Lag:
Ef hjá henni
mömmu einn 5-eyring ég fengi
30. maí 2007
Guðrún Björt Yngvadóttir kjörin varaumdæmisstjóri
Guðrún Björt Yngvadóttir, Lkl. Eik var kjörin varaumdæmisstjóri
umdæmis 109 A starfsárið 2007 - 2008. Nánari upplýsingar um Guðrúnu
má finna á sérstakri fréttasíðu með því að smella á "Klúbbfréttir" hér
fyrir ofan
30. maí 2007
Konur 20 ár innan Lionshreyfingarinnar
Í ár eru 20 ár síðan konur urðu fullgildir meðlimir Lionshreyfingarinnar.
Af því tilefni var gefið út sérstakt Lionsblað tileinkað konum. Í
blaðinu birtist viðtal við Laufeyju Jóhannsdóttur, Lkl. Eik en hún
var fyrst kvennat til að gegna embætti fjölumdæmisstjóra í heiminum.
Greinina má lesa á síðunni "Klúbbfréttir".
30.
maí 2007
Sight First
-
TILLAGA samþykkt á fundi 17. apríl
Stjórn Eikar,
Sight First nefndin
og verkefnanefndin;
leggja til að Lionsklúbburinn Eik leggi Sight First II verkefninu lið á
eftirfarandi hátt;
Framlagið verði næstu 5 árin 1.000 USD á ári og veiti tilnefningu til MJ
félaga.
2007, 1.000 USD
2008, 1.000 USD
2009, 1.000 USD
2010, 1.000 USD
2011, 1.000 USD
Klúbburinn hefur nú þegar lagt 1.000 USD, sem samanstendur af gjöf Lilju
Hallgrímsd, söfnunarfé úr Ljóninu á fundum. (veitir rétt til einnar MJ
tilnefningar)
Með tillögunni mun Lionsklúbburinn Eik samtals greiða 6.000 USD til Sight
First II verkefnisins
