Alþjóðastjórn

IMG_3597Alþjóðaþing - International Convention

Alþjóðaþingið er æðsta stofnun Lionshreyfingarinnar. Árlega er haldið Alþjóðaþing Lions og  þar hittast um 20.000 Lionsfélagar í eina viku. Þingin eru haldin á sumrin, um mánaðarmót júní og júlí. Næstu þing verða:

  1. 29. júní -  3. júlí 2018 Las Vegas, Bandaríkjunum
  2. 5. - 9 júlí 2019 Mílanó, Ítalíu
  3. 26. - 30. júní 2020, Singapore
  4. 25. - 29. júní  2021, Montreal
  5. 1. - 5. júlí New Delhi
  6. 7.- 11. júlí Boston
  7. 21.-25. júní Melburne

Þingið í Las Vegas 2018 eru 101. þingið, en þá verður  Guðrún Björt Yngvadóttir kosin alþjóðforseti. Fyrsta alþjóðaþingið var haldið 1917,  aðeins einu sinni hefur þing fallið niður, en það var 1945. Þingið í Hamborg 2013 er 96. alþjóðaþing í sögu Lions, en aðeins tvisvar sinni áður hefur alþjóðaþing verið haldið í Evrópu. Það var 45. þingið haldið í Nice, Frakklandi 1962 og 81. þingið í Birmingham, Englandi 1998.

International President Dr. Naresh AggarwalAlþjóðaforseti Lions 2017-2018 heitir Dr, Naresh Aggarwal,
frá Punjab héraði í norður Indland

Einkunnarorð hans eru eru einkunnarorð hreyfingarinnar eða „We serve“ en ákveðið hefur verið að það verði einkunnarorð hreyfingarinnar næstu ár.

Aggarwal leggur áherslu á slagorð Lions We serve í ár þar sem hann leggur út frá að Við/We tákni orku eða kraft 1,4 milljóna Lionsmanna um heiminn allan og leggjum lið/serve tákni einlægan ásetning okkar um að láta leiða gott af störfum okkar. Jafnframt táknar slagorðið það að við sem erum í hreyfingunni erum tengd saman og þeim samfélögum sem við störfum í
þvert á lönd og heimsálfur.

Hvað þýðir the power of we það þýðir að samtakamátturinn er aflið sem við þurfum til þess að breyta heiminum ég get ekki einn lyft bíl en með fleirum gæti ég það, ein manneskja getur ekki getur ekki uppfrætt heilt þorp en fleiri saman geta það. Eftir því sem við erum fleiri saman þess mun minni verða vandamál heimsins

Aggarwal bendir á að 40% jarðarbúa býr við fátækt og 11% byr við skort eða 795 milljónir manna. Með því að ríkasti milljarður mannkyns myndi gefa 35 krónur á dag þá væri hægt að brauðfæða þennan hóp. Eina sem þarf er hugarfarsbreyting, við þurfum að breyta hugsunarhættinum hjá okkur.  

Alþjóðastjórn

Á alþjóðaþingi er kosin stjórn til að fara með vald alþjóðasambandsins milli þinga. Alþjóðastjórn Lions skipa 44 einstaklingar, þ.e. alþjóðaforseti, fyrsti og annar varaforseti, fráfarandi alþjóðaforseti og 34 kjörnir alþjóðastjórnarmenn „International Directors“ (þar af 6 frá Evrópu), en auk þess skipar alþjóðaforseti 6 menn í alþjóðastjórn „Board Appointee“. Alþjóðastjórnarmenn eru kjörnir til tveggja ára en aðrir í alþjóðastjórn (forsetar) til eins árs. Ákveðinn fjöldi alþjóðastjórnarmanna er frá hverju hinna sjö skipulagssvæða (heimsálfa/heimshluta).  Þannig er  tryggt, að hver klúbbfélagi geti látið rödd sína heyrast, í gengum sinn umdæmisstjóra, sem getur auðveldlega haft samband við sinn alþjóðastjórnarmann. Á alþjóðaþingi 2010 í Sydney Ástralíu var Guðrún Björt Yngvadóttir í Lionsklúbbnum Eik, Garðabæ kjörin í alþjóðastjórn Lions. Hún var fyrsta konan í Evrópu sem er kjörin í alþjóðastjórn Lions.  Auk þess var Guðrún skipuð í  alþjóðastjórn 2012-2013 sem „Board Appointee“. Auk Guðrúnar hafa fjórir Íslendingar gegnt stöðu alþjóðastjórnarmanns, en þeir eru Þorvaldur Þorsteinsson, Björn Guðmundsson, Svavar Gests og Jón Bjarni Þorsteinsson.


Fundir alþjóðastjórnar

Alþjóðastjórn heldur fjóra staðbundna fundi á ári, en þess á milli eru haldnir símafundir og veffundir nefnda og vinnuhópa. Stjórnin mótar stefnu og stýrir þróun og heldur utan um alla starfsemi LCI. Stjórnin gerir fjárhagsáætlun allra deilda alþjóðaskrifstofu og hefur eftirlit með eignum og sjóðum alþjóðasamtakanna.  Alþjóðastjórnarmenn skiptast í 12 nefndir.

 

Hlutverk alþjóðastjórnarmanns  –  International Director (ID)

Alþjóðastjórnarmaður er fulltrúi síns svæðis/álfu á alþjóðlegum vettvangi og tengiliður milli Lionsfélaganna og Alþjóðasambandsins. Engu að síður er hann fulltrúi allra 210 Lionslandanna og má aðeins gera það sem er best fyrir alla Lionshreyfinguna. Til að uppfylla þessar skyldur þarf hann að heimsækja sem flest lönd og umdæmi á sínu svæði, kynnast starfseminni og taka reynsluna inn í alþjóðastjórnina. Hann á einnig að kynna stefnu og nýjungar frá alþjóðasamtökunum, veita upplýsingar og fræðslu, aðstoða við að leysa vandamál og að ná markmiðum.

 

Hlutverk skipaðs stjórnarmanns  –  Board Appointee (BA)

Board Appointee situr fundi alþjóðastjórnar, á sömu forsendum og ID og starfar í einni af nefndum alþjóðastjórnar. Auk þess er hann í ráðgjafanefnd forsetans og situr sérstaka fundi með forsetanum. Forsetinn velur BA úr hópi þeirra sem hann þekkir vel og treystir best til að fylgja sínum málum eftir og vera sér til ráðgjafar. Þeir koma flestir úr röðum fyrrverandi forseta og/eða úr stuðningsmannaliði hans (kosningarstjóri o.fl.). Þess vegna kemur á óvart þegar einhver utanaðkomandi verður „ein af þeim útvöldu“; en þetta er mikill heiður og mikil ábyrgð. BA eru „augu og eyru“ forsetans, láta hann vita um gang mála og gæta þess að hans áherslum sé fylgt.  BA er boðberi forsetans, gefur nefnd sinni og öðrum upplýsingar og réttu „línuna“ og situr sértaka fundi ráðgjafanefndar með forsetanum, þar sem staðan er tekin og stefnan mörkuð.

 

Hlutverk fyrrverandi alþjóðastjórnarmanns PID

Fyrrverandi alþjóðastjórnarmaður hefur skilgreint hlutverk, bæði heima og á alþjóðavísu. Hann hefur sama hlutverk og áður varðandi umdæmisheimsóknir í Evrópu (sínum heimshluta/-álfu) og hefur til þess ferðaheimild (ákveðin fjárráð). Heima er hann tengiliður alþjóðastjórnar, -forseta og -skrifstofu við umdæmi og fjölumdæmi. Hann skal miðla upplýsingum  og fær afrit af póstum, sem sendir eru til embættismanna. PID fær viðurkenningarskjöl og forsetamerki til að veita Lionsfélögum (skv. eigin vali). Alþjóðaskrifstofa hefur samband við hann, vegna  vals á þeim sem skulu hljóta leiðtoga-  eða forsetaorðu, sem er gert í samvinnu embættismanna; einnig við að skipuleggja heimsóknir alþjóðaforseta.  Auk þess hefur ID umboð til ákvörðunar í óleystum málum, þ.e. ef embættismenn eða skrifstofa svara ekki erindum fyrir ákveðinn tíma, þá er haft samband við PID og hann á að afgreiða málið strax.