Lionshreyfingin á Íslandi stofnaði MedicAlert á Íslandi, alþjóðlegt neyðarþjónustukerfi, fyrir rúmum aldarfjórðungi. Lionsklúbbarnir hafa jafnan stutt starfsemina með styrkjum og þannig haldið henni gangandi.

MedicAlert er alþjóðlegt neyðarþjónustukerfi sem er rekið án ágóða og víða í sjálfboðavinnu.

• Áletrað merki til að bera um úlnlið, háls eða annars staðar á sér. Á merkinu eru upplýsingar um sjúkdóm, ofnæmi eða annað sem þarf að vita varðandi skyndihjálp. Auk þess er neyðarsímanúmer og auðkenninúmer eiganda.
• Plastspjald í kreditkortastærð með frekari upplýsingum, m.a. nöfnum og símanúmerum aðstandenda og lækna.
• Enn ýtarlegri upplýsingar, sem eru varðveittar í tölvu á Slysa- og bráðadeild Landspítalans, þar sem svarað er gjaldfrjálst í neyðarsíma MedicAlert allan sólarhringinn.

Sjá meira

PISTILL FRÁ STJÓRN MEDIC ALERT

Lúðvík Andreasson

Ný stjórn tók við hjá MEDICALERT Á ÍSLANDI í apríl s.l. en hana skipa nú Lúðvík Andreasson formaður, frá Lionsklúbbnum Tý, Guðmundur Bjarnason ritari frá Lionsklúbbnum Víðarri og Guðjón Jónsson gjaldkeri, frá Lionsklúbb Seltjarnarness.

Eins og flestir Lionsmenn eiga að vita eru þetta samtök sem eru rekin í þágu almennings og til þjónustu við þá aðila sem eru með einhverja sjúkdóma sem þeir gætu þurft að láta vita af, ef eitthvað kemur fyrir viðkomandi á almanna færi.

Ein af þeim leiðun sem við höfum til að kynna okkur er að hafa bæklinga okkar í Apótekum og heilsugæslum um land allt en þessum bæklingum á að vera dreift af Lionsfélögum og MedicAlert fulltrúa hvers klúbbs á viðkomandi stöðum á landinu.

Við þurfum því að ná betur til Lionsfélaga til að aðstoða okkur við að ná til almennings til að kynna okkur en nú eru um 5000 aðilar hér á landi með MEDICALERT MERKI um úlnlið eða háls með neyðarnúmeri og upplýsingum um sjúkdóm sinn.

Þetta er stórt verkefni sem Lionshreyfingin hefur tekið að sér en til að reka þetta fyrirtæki vel, þurfum við öll að einbeita okkur að því að framkvæma þetta vel.

Verkefnin framundan eru mörg og vil ég nefna hér nokkur þeirra.

Efla þarf kynningu meðal Lionsfélaga á starfsemi MedicAlert á Íslandi og einnig verður að gera herferð í sölu á áskrift meðlima.

Ný stjórn lét gera nýjan kynningarbækling sem við erum að byrja að dreifa og þá sérstaklega til Lionsfélaga til að þeir séu betur í stakk búnir til að kynna MEDICALERT Á ÍSLANDI.Fjölga þarf styrktarfyrirtækjum. Við gerðum samning við ACTAVIS um styrk til okkar kr. 200.000 per ár í 3 ár sem er mikill fengur fyrir okkur til að ná utan um reksturinn.

Eins og áður kom fram eru nú um 5000 merkisberar skráðir. Ca. 250 nýir koma inn nú í ár.

Markmið næsta árs er að fá um 500 nýja merkisbera. Nýr merkisberi greiðir 2000.- í byrjunargjald og síðan kostar merkið í byrjum og eftir árið greiðir viðkomandi árgjald kr. 1500.-

Við erum að endurnýja tölvu á Bráðavakt LSH. Lionsklúbbur Mosfellsbæjar hefur ákveðið að gefa nýja tölvu í þetta verkefni og þökkum við þeim kærlega fyrir þennan mikla stuðning.

Vinna að endurnýjun á HEIMASÍÐU er í undirbúningi og fáum við væntanlega aðstoð frá yfirstjórn MedicAlert í Ameríku í það verkefni.

Bestu kveðjur.

Lúðvík Andreasson

Formaður

MedicAlert á Íslandi.

Unglingaskipti Lions er eitt stærsta alþjóðlega verkefni Lions. Ungu fólki er gefinn kostur á að kynnast daglegu lífi, starfi og menningu annarra þjóða með því að búa hjá fjölskyldum Lionsmanna í öðrum löndum, ásamt því að dvelja í unglingabúðum. Árlega fara 15-20 íslenskir unglingar til nokkurra vikna dvalar erlendis og álíka margir erlendir unglingar koma til Íslands.

Lions-ljósmyndarar

Lions á Íslandi á marga fjölhæfa einstaklinga í sínum röðum, þar á meðal afburða ljósmyndara. Lionsfélagar eru hvattir til að sýna hvað í þeim býr og taka þátt í alþjóðlegu ljósmyndasamkeppni Lions, sem við munum nú í fjórða sinn taka þátt í. Það er fullt af ljósmyndatækifærum framundan, síðustu haustlaufin, fyrstu snjókornin eða frostrósirnar, svo eiga menn ýmislegt frá sumrinu. Það er best að drífa í þessu fljótlega, svo það dragist ekki og gleymist í jólaamstrinu. Klúbbar þurfa að gera upp hug sinn fljótlega eftir jól, hvaða mynd þeir senda, en fresturinn rennur út í lok janúar.

Sykursýki
Baráttumál Lionshreyfingarinnar í áratugi.

Sá sjúkdómur sem er í hvað mestri sókn á Vesturlöndum þessi árin er áunnin sykursýki af gerð tvö. Aukin þyngd manna og auknar kyrrsetur bjóða heim þessum vágesti.  Talið er að hunduð manna á Íslandi gangi með sykursýki án þess að vita það. Þessi sjúkdómur leggur fólk að velli  hljóðlega og er án einkenna lengi framan af en getur valdið blindu og eyðilagt blóðrásina í fótum ef hann greinist ekki fljótt. Greiningin er einföld og smá blóðdropi getur bent til að að ástæða sé til að leita læknis.

Baráttan fyrir því að fræða fólk um sjúkdóminn og finna þá sem ganga með dulda sykursýki hefur verið mikið baráttumál Lionshreyfingarinnar í tæp 60 ár.

Skilafrestur er framlengdur til 22. nóvember

Alþjóðleg ritgerðarsamkeppni Lions um frið, er ætlað ungmennum sem eru blind eða sjónskert (skv. viðmiðun sem gildir í heimalandi þeirra) og eru á aldrinum 11-13 ára, miðað við 15. nóvember 2011. Markmiðið með keppninni er að hvetja börn til að hugsa um frið, sjá heiminn í stærra samhengi og að leggja sitt af mörkum í friðarumræðunni.

Alþjóðasamband Lionsklúbba hefur staðið fyrir samkeppni um gerð friðarveggspjalds, meðal 11–13 ára ungmenna árlega í meira en tvo áratugi. Ungmennum hefur verið gefið tækifæri til að tjá sig í myndlist og túlka sínar hugmyndir í litum, línum og formum um frið, friðarboðskap og framtíðarsýn þeirra. Um fjórar milljónir ungmenna í yfir 100 löndum hafa tekið þátt í þessari samkeppni Lions. Nú er í fyrsta sinn haldin ritgerðarsamkeppni um frið, sem sérstaklega er ætluð blindum og sjónskertum ungmennum.

Það er Alþjóðasamband Lionsklúbba sem stendur fyrir þessar samkeppni um allan heim, en það er í samstarfi við Sameinuðu þjóðirnar – UNESCO og er mikilvægur þáttur í friðaruppeldi barna og unglinga. Lionshreyfingin starfar í 206 þjóðlöndum og eru Íslendingar einn hlekkur í þeirri stóru keðju með um 2.400 Lionsfélaga starfandi í 90 klúbbum um allt land.

Október er mánuður sjónverndar en laugardagurinn 8. okt. er „Alþjóðlegur sjónverndardagur Lions“ og laugardagurinn 15. okt. er: „Dagur hvíta stafsins“. Í október er kjörið að kynna sjónverndarverkefni Lions, á Íslandi og á heimsvísu, einkum í þróunarlöndunum. Íslenskir Lionsfélagar voru ótrúlega rausnarlegir í átaksverkefninu „Campaign Sigt First II“. Lionsfélagar geta verið stoltir af þessari miklu þróunaraðstoð og að gefa milljónum manna sjónina aftur. Upplagt er að senda frétt í bæjarblöðin og kynna Lionsklúbba svæðisins í leiðinni. Þeir sem vilja fá fund eða fyrirlestur fyrir Lionsfélaga og almenning í sinni heimabyggð, um sjónvernd, augnsjúkdóma og blindu, geta leitað til sjónverndarfulltrúa umdæmanna. Fyrirlesarar finnast líka á næstu heilbrigðisstofnunum og í skólum.

Sjá myndband um sjónvernd http://www.youtube.com/watch?v=zsY1tNYYKpk

Friðarveggspjaldasamkeppni meðal ungs fólks

Alþjóðlega Lionshreyfingin hefur staðið fyrir friðarveggspjaldasamkeppni meðal ungs fólks á aldrinum 11 – 13 ára í 20 ár. Lionshreyfingin starfar í 206 þjóðlöndum og erum við Íslendingar einn hlekkur í þeirri keðju með  2.400  Lions félaga starfandi í 89 klúbbum.

Við leitum til þín í þeirri von að  þinn skóli vilji vera þátttakandi í þessu skemmtilega verkefni. Hver skóli sem tekur þátt fær viðurkenningarskjal frá Lionshreyfingunni á Íslandi.

Sá nemandi sem  vinnur samkeppnina á Íslandi fær verðlaun og viðurkenningarskjal.

Alþjóðlega Lionshreyfingin veitir vinningshafa í fyrsta sæti í alþjóðakeppninni $2.500 og ferð ásamt tveimur fjölskyldumeðlimum og formanni stuðningsklúbbs á  sérstaka vinningshátíð sem haldin verður í New York (gæti breyst).  Þátttakendur í  2. – 23. sæti fá $500.

Þema  árið 2011 er „Children know Peace“    „Börnin þekkja frið“

Hér má sjá reglur keppninnar  >>>>