Lkl. Embla - Diskótek
Árlegt „haustdiskó“ hjá Lkl. Emblu var haldið 22.okt. s.l.
Mikil tilhlökkun er ætíð þegar að diskóteki líður hjá okkar góðu skjólstæðingum, þ.e.a.s. fötluðum einstaklingum á Selfossi og nágrenni,
Hinn frábæri Jón Bjarnason diskótekari sá um fjörið að vanda og brást ekki frekar en fyrri daginn. Það er okkur Emblum ómetanlegt hversu velviljaður hann Jón er að ljá þessu góða starfi okkar lið. Við sýndum honum þakklæti okkar fyrir nokkrum árum og gerðum hann að Melvin Jones félaga. Hann veit nákvæmlega hvaða músík er best að spila og heldur uppi stanslausu fjöri og allir dansa saman, skjólstæðingar okkar, foreldrar, fylgdarfólk og við Emblurnar. Við njótum ekki aðeins velvilja þessa Jóns heldur kom Jón Finnur Ólafsson og greiddi leiguna fyrir húsnæðið f.h. Árvikjans á Selfossi. Eftir dansinn og söng gesta bjóðum við svo til veislu, hlaðborð sem svignar af tertum og brauðmeti.
Með jólakveðju frá félögum í Lkl. Emblu,
Guðríður Þorbjörg Valgeirsdóttir.
Jólakort Emblu-kvenna 2011
Lionsklúbburinn Embla á Selfossi, gefur út jólakort í fjórða,sinn fyrir þessi jól.
Listamaðurinn og Lionsfélagi í LKL Selfoss Jón Ingi Sigurmundsson hefur lagt okkur lið eins og undanfarin ár með mynd sinni, sem er í þetta sinn af Auðnutittlingum, en áður hafa hrafninn og rjúpan prýtt kortin. Prentmet á Selfossi hefur séð um prentun kortanna.Allur ágóði sölunni rennur í líknarsjóð klúbbsins. Lkl Embla hefur fyrir jólin styrkt Hjálparsjóð Selfosskirkju og Hjálparsjóð RKÍ hér á Selfossi, einnig hafa verið styrkt fleiri verkefni í heimabyggð. Hægt er að fá jólakortin keypt hjá Emblufélögum, í Árvirkjabúðinni Selfossi, Guðnabakaríi, Snúð og Snældu og Heilsugæslu Selfoss, einnig voru klúbbkonur að selja í Kjarnanum laugardaginn 19.nóv. Salan hefur gengið mjög vel þetta ár, sem og undanfarin ár og þakkar Lionsklúbburinn Embla fyrir góðan stuðning fólks.
Lionsklúbburinn Embla