Ertu með sykursýki?

Lionsklúbbur Húsavíkur, í samvinnu við starfsfólk Heilbrigðisstofnunar Þingeyinga, buðu Húsvíkingum upp notalega og jafnframt gagnlega stund í húsakynnum sínum í gær.

10. des yndislegt jóla veður

Þar buðu þeir upp á fría blóðsykurs- og blóðþrýstingsmælingu sem 125  manns þáðu.Að sögn Sigríðar Jónsdóttur yfirhjúkrunarfræðings hjá H.Þ reyndist blóðsykurinn minna áhyggjuefni en í fyrra og var aðeins tveimur ráðlagt að koma í nánari skoðun á heilsugæslustöðina. Athygli vakti hinsvegar að blóðþrýstingur var kominn á rautt ljós hjá 24 einstaklingum og var þeim ráðlagt eftirlit og greining hjá heimilislækni á þessu sjúkdómseinkenni.Starfsfólk heilsugæslunnar var fyrir þessa skimun búið að vekja athygli á enn einum áhættuþætti sykursýki og hjarta- og æðasjúkdóma sem er kviðfita og hvatti fólk til að mæla mittisummálið hjá sér.

Skrifarar höfðu nóg að gera

Það er aukin áhætta hjá körlum sem mælast með meira en 102 cm. í mittismál og hjá konum sem mælast með meira en 88 cm. í mittisummál.

Sigríður segir það mikilvægt fyrir starfsmenn Heilbrigðisstofnunar Þingeyinga að finna stuðning og velvilja þeirra sem nota þjónustuna og einnig frá fyrirtækjum og félagasamtökum. 

Liðtækur gjaldkeri við  mælingu

Hér dugar ekkert nema dýralækni	Árni við vöfflubakstur

Íbúum á svæði Heilbrigðisstofnunar Þingeyinga býðst fljótlega ókeypis ristilspeglun. Um er að ræða forvarnarverkefni gegn ristilkrabbameini sem Lionsklúbbur Húsavíkur stendur fyrir.

Verkefnið er hugsað þannig að næstu 5 árin verður öllum 55 ára íbúum á svæðinu boðið upp á ókeypis ristilspeglun. Íbúar svæðisins fá fljótlega bréf með nánari upplýsingum um verkefnið og framkvæmd þess en það er árgangur 1957 sem verður fyrst boðaður í skoðun á næsta ári og síðan koll af kolli. Verkefnið er alfarið fjármagnað af Lionsklúbbi Húsavíkur sem leitað hefur stuðnings hjá félögum og fyrirtækjum á svæðinu. Það er síðan unnið í samstarfi við Heilbrigðisstofnun Þingeyinga. Sjá frétt á RÚV >>>

27. maí 2011 var haldinn lokafundur Lionsklúbbs Húsavíkur. Það hefur verið venja undanfarin ár að halda fundinn annars staðar en í Lionshúsinu og þá gjarnan farið út fyrir bæinn. Að þessu sinni var farið stutt, eða í Heiðarbæ sem er félagsheimili 15 km sunnan við bæinn. Skemmtinefnd undir forystu  Sassa  sá um að undirbúa fundinn með stjórninni, sjá um skemmtiatrið, dúka og leggja á borð og græja salinn.

Félagar úr Kótelettufélaginu aðeins að taka stöðuna.

Þeir fengu Kótelettufélag Íslands til að sjá um matinn og mættu fjórir kótelettukarlar í slaginn, reyndar eru 3 Lionsfélagar „félagar“ í Kótelettufélagi Íslanda svo það var frekar auðvelt að koma því í kring. Það er skemmst frá því að segja að étnar voru kótelettur sem eldaðar voru að hætti Kótelettufélags Íslands og fórum við öll vel mett heim, glöð og ánægð með framtakið.

Fullur salur, nærri 100% mæting

Birgir Þór formaður setti fund og  fór örfáum orðum um vetrarstarfið og sagði  frá Færeyjaferð og vinaklúbbasambandi við Lionsclub Suðuroyjar  sem staðfest var 7. maí  í Hofi á Suðuroy. Síðan færði formaður Sigríði Jónsdóttur hjúkrunarfræðingi smá vinargjöf  fyrir  hjálpina við sykursýkisverkefni  sem við unnum að í vetur. Að þessu loknu sleit Birgir Þór formaður klúbbsins fundi og gaf  Sigurði Aðalgeirssyni veislustjóra orðið og þar með hófst gamanið með söng og gleði fram eftir kvöldi, Sigurður Hallmarsson bæjarlistamaður spilaði á harmonikku og sagðar sögur og brandarar.

Lionsklúbbur Húsavíkur bauð íbúum Norður-Þingeyjarsýslu upp á ókeypis blóðsykurs- og blóðþrýstingsmælingu dagana 11. des  15., 16. og 17. febrúar og 28.apríl sl. í samtarfi við starfsfólk heilsugæslustöðvanna á Húsavík, Þórshöfn, Raufarhöfn, Kópaskeri, Mývatnssveit og Þingeyjasveit. Einnig var boðið upp á fræðsluerindi um sykursýki sem Sigríður Jónsdóttir hjúkrunarfræðingur sá um.

Hér er verið að undirbúa mælingu.(þetta gæti verið stór hættulegt, eða það sýnist mér)

Þátttaka var mjög góð á öllum stöðum og var fólk ánægt með þetta góða framtak og ekki skemmdi nú fyrir að boðið var upp á kaffi og með því að loknum mælingum .

Öllum sem reyndust vera of háir í blóðþrýstingi og/eða sykri var ráðlagt eftirlit á heilsugæslustöð. Á þriðja tug greindust með háþrýsting sem þurfti meðhöndlunar við og tveir hafa nú þegar fengið greininguna sykursýki og í einu tilviki var sjúkdómurinn á háu stigi. Átak LIONS manna og starfsfólks Heilbrigðisstofnunar Þingeyinga hefur því skilað miklu til samfélagsins forvarnarlega séð og framhaldsmeðferð mun án efa bæta lífsgæði þeirra sem greindust með háan blóðsykur og háþrýsting.