Gáfu Björgunarsveit Hafnafjarðar milljón

Lionsklúbbur Hafnarfjarðar seldi Gaflarann í ár eins og undanfarin ár og að venju rann allur afrakstur sölunnar til góðgerðarmála. Í ár gekk salan mjög vel og seldust allir Gaflararnir og því gat klúbburinn afhent Björgunarsveit Hafnarfjarðar eina milljón kr. sem nýtist vel í starfinu.

Fulltrúum sveitarinnar var boðið á fund klúbbsins sl. laugardag þar sem afhending fór fram. Voru klúbbfélagar mjög stoltir af því að geta styrkt sveitina með þessu móti en ítrekuðu að styrkurinn kæmi í raun frá þeim bæjarbúum sem keyptu Gaflaramerkið.

Björúlfur Þorsteinsson formaður Lionsklúbbs Hafnarfjarðar ásamt Dagbjarti Brynjarssyni og Þórdísi Árnadóttur frá

Björgunarsveit Hafnarfjarðar.

Fréttina má sjá í Fjarðarpóstinum hér <--

Kosning á umdæmis- og fjölumdæmisþingum 2013

Eftirfarandi Lionsfélagar voru kosnir í embætti á nýafstöðnum fjölumdæmis
og umdæmisþingum Lions á Akureyri:

Kjör á fjölumdæmisþingi:

Í embætti fjölumdæmisstjóra 2013 – 2014 var kjörin:

Benni
Benjamín Jósefsson Lkl. Akraness,

Í embætti vara - fjölumdæmisstjóra 2013 - 2014

Tryggvi_Kr
Tryggvi Kristjánsson Lkl. Dalvíkur

Aðrir embættismenn sem kjörnir voru:

kristn
Kristín Þorfinnsdóttir Lkl. Emblu Selfossi til embættis
fjölumdæmisritara 2013 - 2014
Daniel G. Björnsson Lkl. Muninn Kópavagi til embættis
fjölumdæmisgjaldkera 2013 - 2014

Passamynd_D gudjon_Jonsson
Daníel Þórarinsson Lkl. Njörður Reykjavík til
formanns Kjaransorðunefndar 2013 - 2016
Guðjón Jónsson Lkl. Seltjarnarness til formanns
Hjálparsjóðs Lionsfjölumdæmis 109 2013 -2016

Kjör á umdæmisþingum 109 A og B:

Í embætti umdæmisstjóra 2013 – 2014 voru kjörnir:

Arni_Hjaltason_a Thorkell
Árni B. Hjaltason Lkl. Njarvíkur til embættis umdæmisstjóra 109 A
og Þorkell Cýrusson Lkl. Búðardals til embættis umdæmisstjóra 109 B

Í varamenn þeirra voru kjörnir:

einar_thorar
Einar Þórðarson Lkl. Fjörgin til embættis
1. vara - umdæmisstjóra 109A
Ingimundur Guðberg Andrésson Lkl. Patreksfjarðar til embættis
1. vara - umdæmisstjóra 109B

Jn_Plmason_8700s c Stefan_Arnason-1 c

Jón Pálmason Lkl. Víðarr til embættis
2. vara - umdæmisstjóra 109 A
Stefán Árnason Lkl. Vitaðsgjafa til embættis
2. vara - umdæmisstjóra 109 B

Nánari deili á þessum Lionsfélögum má finna á síðu um framboð á eftirfarandi síðu >>>>>

Lionsklúbburinn á Húsavík gefur bangsa

Frétt af vef Slökkviliðs Akureyrar:
Í dag komu til okkar félagar úr Lionsklúbbnum á Húsavík færandi hendi. En tilefnið var að færa okkur sjúkraflutningamönnum og Akureyrardeild rauða krossins 100 bangsa. Bansarnir eru hugsaðir til handa okkar yngstu skjólstæðingum sem þurfa að nota sjúkrabíla eða sjúkraflug. Við í slökkviliði Akureyar erum afar þakklátir fyrir þessa rausnalegu gjöf þeirra Lionsmanna og vitum að bangsarnir koma að góðum notum. Bangsar af þessu tagi hafa áður verið notaðir í sama tilgangi og reynst afar vel. Sögur fara af því að þeir fylgi okkar yngstu skjólstæðingum í gegnum sitt ferli tengt slysum eða veikindum. Fjárskortur olli því að ekki var mögulegt að viðhalda því að hafa ávallt tiltæka bangsa í bílunum og leitaði því einn starfsmaður liðsins Alfreð Birgisson til þeirra Lions manna. Tekið var afar vel í þessa bón og í dag komu þeir til okkar hér á slökkvistöðina og afhentu gjöf sína. Það er von Lionsmanna að geta síðan viðhaldið þessu verkefni.

Fréttina má sjá hér og fleiri myndir
Bangsar_fani_kobbsins_og_gjafabref

Einstök góðvild í garð LSH árið 2012

Gjöf til Landspítala Háskólasjúkrahúss

Á hverju ári berast Landspítalanum gjafir frá fólki, stofnunum og fyrirtækjum. Árið 2012 var einstakt hvað þetta varðar en þá bárust sjúkrahúsinu gjafir að andvirði 460 milljóna króna. Stærstur hluti gjafanna var í formi lækningatækja og ýmiss konar búninga.

„Þessi stuðningur er Landspítala ómetanlegur,“ segir í ársskýrslu LSH sem kom út í dag.

Lionsklúbbar gáfu til dæmis augnlækningadeild tæki að verðmæti um 20 milljónir króna, með stuðningi alþjóðahjálparsjóðs Lions, í tilefni af 60 ára afmæli Lions á Íslandi. Hringskonur voru stórtækar að vanda og færðu meðal annars Barnaspítala Hringsins 70 milljónir króna til tækjakaupa í tilefni af 70 ára afmæli Barnaspítalasjóðs Hringsins.

„Þetta er ótrúleg velvild og skilningur sem Landspítalanum er sýndur á erfiðum tímum,“ segir Björn Zoëga, forstjóri Landspítalans, í samtali við mbl.is.
Greinina í heild sinni má sjá hér: http://www.mbl.is/frettir/innlent/2013/04/23/einstok_godvild_i_gard_landspitala/

Framboð á umdæmis- og fjölumdæmisþingum 2013

Benjamín Jósefsson til embætti fjölumdæmisstjóra

Benni Benjamín fæddist á Akureyri 27. mars 1961, en hefur búið á Akranesi síðan, fyrir utan rúmlega tveggja ára búsetu í Ólafsfirði og um tíma á höfuðborgarsvæðinu. Benjamín gekk til liðs við Lionsklúbb Akraness í nóvember 1995, og hefur síðan verið ritari tvisvar sinnum, formaður tvisvar sinnum og gjaldkeri tvisvar sinnum. Þá hefur hann séð um uppgjör á reikningum klúbbsins síðan árið 2001. Hann hefur gegnt formannsstarfi í fjáröflunarnefnd, ferðanefnd, skemmtinefnd og íþróttanefnd. Þá var hann formaður þingnefndar Lionsklúbbanna á Akranesi sem sáu um þingið 2006. Auk þessa hefur hann starfað sem almennur nefndarmaður í þessum nefndum auk þess að vera í stjórn Líknarsjóðs. Benjamín var svæðisstjóri á Akranes-Borgarnessvæðinu starfsárið 2005-2006, sama starfsár var hann umdæmisritari og ritari í stjórn Lionsklúbbs Akraness. Starfsárið 2007 – 2008 hlaut hann viðurkenningu heimsforseta fyrir störf sín í þágu Sight First II verkefnisins. Í desember 2007 var Benjamín útnefndur Melvin Jones félagi af Lionsklúbbi Akraness. Umdæmisstjóri 109B 2010 – 2011. GMT stjóri 2011 – 2012.

Árni B. Hjaltason til embættis umdæmisstjóra 109 A

Arni_Hjaltason_a Árni er félagi í Lkl. Njarðvíkur þar sem hann hefur meðal annars verið formaður. Hann var svæðisstjóri og umhverfisfulltrúi 2008 – 2009. Árni er varaumdæmisstjóri 2011 – 2012. Eiginkona Árna er Hafdís Friðriksdóttir

Þorkell Cýrusson til embættis umdæmisstjóra 109 B

Thorkell Þorkell er félagi í Lkl. Búðardals en var áður í Lkl. Nesþinga Hellissandi. Í báðum þessum klúbbum hefur hann gegnt flestum þeim embættum sem til er að dreifa. Hann var svæðisstjóri 2001 – 2002, í forsvari fyrir unglingabúðir á Snæfellsnesinu, verkefnisstjóri á svæðinu fyrir Campaign SightFirst II söfnunarátakinu. Annar varaumdæmisstjóri 2011 – 2012. Eiginkona Þorkels, Sigfríð Andradóttir er félagi í Lkl. Búðardals. Til gamans má geta þess að þau hjón eru í hópi örfárra þar sem bæði hjónin uppfylla öll skilyrði til að vera umdæmisstjórar.

Framboð til embættis varaumfjölumdæmisstjóra:

Þar eru tvö í framboði Guðmundur Helgi Gunnarsson Lkl. Fjörgyn og Tryggvi Kristjánsson Lkl. Dalvíkur.

Hér á eftir er sagt frá öllum framboðum

Nýtt Lionsblað komið á vefinn

Nýtt flott Lionsblað er komið á vefinn. Þar eru meðal annars fréttir frá klúbbum, frá heimsókn alþjóðaforseta Lions Wyane A. Madden og fleira.

Heimsókn alþjóðaforseta.

Nú stendur heimsókn alþjóðaforseta Wayne A. Madden sem hæst og í gær heimsóttu hann og kona hans Linda, Lionsklúbbinn Úu í Mosfellsbæ og Lionsklúbbana í Hveragerði. Þetta má sjá á Facebook' síðum klúbbanna. Veðrið var frábært og hjálpaði til við að gera heimsókn okkar leiðtoga sem eftirminnanlegasta.

Lionsklúbburinn Úa á Facebook:

Ua_Madden

http://www.facebook.com/pages/Lionskl%C3%BAbburinn-%C3%9Aa/244678492283179?ref=stream

Lionsklúbbur Hveragerðis á Facebook:

Hveragerdi_Lions_Madden

http://www.facebook.com/#!/pages/Lionskl%C3%BAbbur-Hverager%C3%B0is/203220366384651

Íslandsheimsókn Alþjóðaforseta Lions, Wayne Madden og Lindu um páskana

Íslandsheimsókn alþjóðaforseta Lions Wayne Madden og Lindu um páskana

Wayne Madden alþjóðaforseti og Linda kona hans koma til Íslands á skírdag 28. mars og þau fara aftur þriðjudaginn 2. apríl. Dagana frá og með Föstudeginum langa til og með Annan í Páskum verður fjölbreytt dagskrá fyrir þau hjónin, þar sem kynnast verkefnum okkar og hitta Lionsfólk, auk þess að sjá dálítið af landinu okkar. Linda og Wayne eru yndislegt fólk, með báðar fæturna á jörðinni, það er gaman að hitta þau og spjalla við þau. Þau hafa óskað eftir að fá að hitta sem flesta Lionsfélaga. Þeir sem hafa tíma og tækifæri til að hitta þau, eru hvattir til að hafa samband við undirritaða til að fá nánari upplýsingar um stað og stund.

Kristinn: 896 6883 Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. og
Guðrún Björt: 896 7097 Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Boðskort – Opið hús, >>>>>>>
Annan í páskum kl. 17-19

Helstu dagskrárliðir

Föstudagurinn langi
kl. 10-11 Krikaskóli Mosfellsbæ, Lestrarátaksverkefnið

kl. 12-18 Hveragerði - Selfoss - Hellisheiðarvirkjun, Jarðhita- og jarðskjálftalandið Ísland

Laugardagur
fyrir hádegi, Blaðaviðtal og opinber heimsókn / móttaka
kl. 13-17 Hafnarfjörður, trjáplöntun Ásbirninga og Bláa Lónið með Lions á Reykjanesi.

Páskadagur
kl. 9-21 Ferð um Snæfellsnes með Lions á svæði 3 109B, skoðuð Lionsverkefni og fallegt landslag en fyrsta uppáhaldsbók Wayens var "Leyndardómur Snæfellsjökuls" eftir Jules Verne.

Annar í Páskum
Landspítalinn (LCIF verkefni) og heilbrigðisverkefni Lions á Íslandi
kl 17-19 Opið hús fyrir alla Lionsfélaga og þeirra fjölskyldur og vini í Sjálfstæðishúsinu í Garðabæ

Konukvöld Lionsklúbbs Húsavíkur

Föstudaginn 8.mars hélt Lionsklúbbur Húsavíkur konukvöld, sem er svo sem ekki í frásögu færandi, nema það að boðið var upp á furðufiska hlaðborð, þar mátti finna ýmsar fisktegundir sem ekki eru á borðum fólks venjulega, svo sem Broddabak, Slétthala, Snarphala, Keilu, Búra, Stinglax, Trjónufisk,Blálöngu, Hlýra, Grálúðu ásamt plokkfisk, fiskisúpu og reyktur svartfugl, ofl.
Veglegt hlaðborð

Þetta konukvöld líður sjálfsagt flestum seint úr minni, því ekki hafa konur okkar fengið aðra eins veislu, 12-14 réttir, fallega skreyttir og vel fram bornir og ekki þótti það verra að karlarnir græjuðu þetta allt sjálfir og eru bara stoltir af.

Hressar konur að snæðingi

Vel mætt

Leiðtogaskólinn

Leiðtogaskóli Lions lauk sínu 12. starfsári nú um helgina.

32 nemendur hófu námið að þessu sinni í febrúar og 28 voru útskrifaðir nú en veikindi og vinna hömluðu því að allir gætu mætt seinni helgina. Þessir félagar komu úr 18 Lionsklúbbum en athygli vekur að þessir klúbbar eru allir staðsettir á vestari hluta landsins og norðurlandi. Fáir koma úr Reykjavíkurklúbbum, engir af suðurlandi austan Selfoss og uppsveita og engir af austurlandi. Skólastarfið gekk afar vel að þessu sinni og hópurinn jafnt yfir nokkuð sterkur. Það vekur líka athygli að aðeins 7 karlmenn voru í hópnum og uppistaðan eru því konur.

Hluti af vinnunni í Leiðtogaskólanum eru ræður og hópverkefni nemenda. Bæði í ræðum og verkefnum komu fram margar ágætar hugmyndir um nýjungar og betra lionsstarf. Vonandi verður hægt að gera betur grein fyrir því síðar, annað hvort hér á vefnum eða í Lionsblaðinu. Námsefni í skólanum er á hverju ári endurbætt og samræmt því, sem lagt er upp með frá Oak Brook. Mikil vinna hefur verið lögð í að þýða og staðfæra jafnóðum allt nýtt efni sem boðið er upp á. Í framtíðinni sjáum við fyrir okkur að allt námsefni verði aðgengilegt á íslensku á vefnum okkar.

Leiðtogaskólinn, hópavinna