Fræðsla fyrir þinn klúbb 2009-2010
Lionshreyfingin
stendur fyrir miklu fræðslustarfi. Félögum stendur til boða
fjölbreytt úrval námskeiða, sem miða að því að efla félagana,
styrkja klúbbstarfið og þjálfa leiðtoga.
Eins og venjulega
geta Lionsklúbbar og svæði pantað námskeið og valið þann stað og
tíma sem best hentar hverju sinni. Mjög margir svæðisstjórar
hafa fengið námskeið á svæðisfundi og fengið hrós fyrir það hjá
fundarmönnum einnig hafa klúbbstjórnir fengið ýmis námsskeið eða
kynningar á málefnum hreyfingarinnar á Lionsfund. Klúbbar eða
svæði geta einnig fengið skipulagðan heilan námskeiðsdag fyrir
sig og það eru án efa skemmtilegustu og gagnlegustu námskeiðin.
Við stingum upp á heilum eða hálfum laugardegi eða sunnudegi.
Mjög góð reynsla er af þessu fyrirkomulagi. Mikilvægt er að
kynna námskeiðin vel, til að tryggja næga þátttöku.
Hvaða námskeið?
Fjöldi Lions-námskeiða á
dagskrá á næstunni
Fræðslunefnd
Lions hefur gefið út nýja námskeiðsáætlun með tímasettum
námskeiðum á starfsárinu en einnig með sérnámskeiðum sem klúbbar
geta pantað eftir óskum. Allar nánari upplýsingar má fá með því
að smella hér.
Nýliðanámskeið 5. nóvember 2009
Lionshreyfingin heldur nýliðanámskeið fyrir nýja, nýlega eða
væntanlega félaga fimmtudaginn 5. nóvember í Lionsheimilinu við
Sóltún 20. Námskeiðið hefst kl. 20:00 og því lýkur kl. 22:00.
Skráning á sér stað á skrifstofunni okkar í síma 561 3122 eða í
Lions hjá lions.is. Allar nánari upplýsingar má fá með því að
smella hér.
Siðameistaranámskeið
Siðameistaranámskeið
var haldið fyrir
siðameistara, varasiðameistara eða aðra þá sem halda uppi
fjörinu á fundum, fimmtudaginn 8. október 2008 kl: 20.00 í Lionsheimilinu Sóltúni 20, Rvk. Kennari: Hrund
Hjaltadóttir fræðslustjóri.
Nánari upplýsingar
fá hér.
Leiðtogaskólinn 2010
Hið frábæra
Leiðtoganámskeið Lions verður haldið í vor dagana 12.-14.
febrúar og 5.-7. mars í Munaðarnesi. Allir
LIonsfélagar geta sótt um þátttöku í skólanum sem hefur það
markmið að þjálfa leiðtoga, byggja upp félaga og styrkja
klúbbstarfið. Upplýsingar og umsóknareyðublöð fást á
Lionsskrifstofunni.
Nánari upplýsingar má fá hér.
Nýliðanámskeið
“Hvað er Lions?” fyrir
nýja eða væntanlega félaga, ásamt meðmælanda, félaganefnd eða
stjórn og alla þá sem vilja vera “með á nótunum”. Tími: Á
vorönn. Nánar auglýst síðar Staður: Lionsheimilið Sóltúni 20,
Rvk. Þetta námskeið er líka upplagt fyrir klúbbfundi og
svæðisfundi því það er nú þannig að við höfum öll gott af smá
upprifjun um Lionshreyfinguna.
Félaganefndanámskeið
Námskeiðið er í formi fyrirlestra, umræðna og verkefna. Þetta
námskeið hefur verið mjög vinsælt að panta á svæðisfundi og
klúbbfundi vegna þeirra auknu áherslu sem alþjóðastjórn leggur á
félagamálin. Þau fjalla ekki bara um það að ná í nýja félaga eða
stofna nýja klúbba, heldur fyrst og fremst um hlutverk
félaganefndar, leiðir til að halda í félagana og hvernig við
komum í veg fyrir að félagar hætti klúbbunum.
Leiðtogaþjálfun - Hvaða efni?
Þetta eru mismunandi fræðsluerindi sem upplagt er að panta á
klúbbfund eða svæðisfund. Vaxandi áhugi er á leiðtogaþjálfun og
er mikið úrval námskeiða á því sviði. Hægt að velja nokkur og
setja saman skemmtilega dagskrá. Hver liður tekur 1-2 klst.
eftir því hvort verkefni eru tekin með:
-
Stjórnunaraðferðir – Leiðtogastílar
- Sterkur
leiðtogi - Virkni og frumkvæði
- Að setja saman
teymi - Öflugt hópstarf
- Árangursrík
liðsheild: Virkja og hvetja
- Samskipti og
virk hlustun
- Stefnumótun -
Markmiðasetning
- •
Ákvarðanataka – Að deila út verkefnum
- Fundarstjórn -
Fundarsköp
- Skipulögð
nefndarstörf
-
Verkefnastjórnun
- Úrlausn
vandamála - Að stjórna deilum
- Áhrifaríkur
málflutningur – Ræðumennska
Ræðunámskeið
Þetta námskeið er upplagt fyrir klúbba eða svæði að halda fyrir
ca. 12-14 félaga í einu. Námskeiðið er sett upp sem tveggja
kvölda námskeið með nokkurra daga millibili til að sem mest komi
út úr námskeiðinu. Kostnaður við þetta námskeið er tvö þúsund
kr.á hvern félaga sem tekur þátt ( kennslugögn). Klúbbformenn
vinsamlega hafið samband ef þið hafið áhuga. Kennarar: Þór
Steinarsson Lkl. Fjörgyn, Helgi Sigurbjartsson Lkl. Fjörgyn og
Þorsteinn Sigurfinnsson Lkl. Fjörgyn
Leiðtogaskóli Lions - námskeið sem verður haldið síðar
Leiðtogar og lærdómur
Námskeiðið er einkum ætlað þeim sem lokið hafa Leiðtogaskóla
Lions og/eða þeim sem gegna embættum á vegum hreyfingarinnar.
Hámarksfjöldi er 20 manns. Kostnaður er 12000 kr. Á hvern
félaga. Markmiðið er að styrkja leiðtoga við að ná árangri í
starfi og að miðla þekkingu. Fjallað verður um margvísleg
hlutverk leiðtoga samtímans með sérstakri áherslu á leiðtoga sem
leiðbeinanda. Skoðað verður m.a. klúbburinn sem heild getur bætt
þekkingu sína, einnig skoðum við hvernig við getum beitt
kennslufræði fullorðinna nemenda til að læra nýja hluti. Hvernig
er hægt að ... - ná athygli fólks til að tryggja skilning, áhuga
og þátttöku? - ná augum og eyrum fólks svo að boðskapurinn
komist til skila? - þekkja og virkja þátttakendur og hafa stjórn
á aðstæðum? - skipuleggja viðburði, hanna, kynna og framkvæma
til árangurs?
Námskeiðið tekur
tvær helgar og verður haldið í Lionshúsinu við Sóltún 25.-26.
okt. og 8.-9. nóv. 2008. Umsóknareyðublöð á Lionsskrifstofunni
og hjá fræðslustjóra. Umsóknarfrestur til 25. september 2008.
Ágætu félagar hafið
það þó í huga að Lionskennararnir okkar eru í vinnu alla virka
daga og kenna á námskeiðunum í sjálfboðavinnu í frítíma sínum.
Þess vegna getur verið erfitt að fara út á land í miðri viku.
Helgarnámskeið henta betur nema í næsta nágrenni
höfuðborgarsvæðisins. Mikilvægt er að kynna námskeiðin vel til
að tryggja góða þátttöku. Miðað er við lágmark 20 manns til að
Lionshreyfingin greiði ferðakostnað kennara. Ef þú vilt panta
námskeið, fá meiri upplýsingar eða koma hugmyndum á framfæri,
vinsamlegast hafðu samband við undirritaða.
